Exodo 22:2 - Maung A Balita Biblia

^2-4 Nepeg ton bayaran so tinakew to. No anggapon balut so kayaryan to, nepeg ya ilako a sakey ya aripen pian nabayaran so tinakew to. No nalmo ed sikato a mabilay so tinakew to a baka odino asno odino karniro, nepeg to a bayaran na duara so sakey. No diad labi et nasiwa so sakey a matakew ya onloloob ed sakey ya abung tan apatey, say akapatey ed sikato et ag mankasalanan na impamatey. Balet no diad agew so kagawa to, mankasalanan na impamatey.

Maung a Balita Biblia

^2-4 Nepeg ton bayaran so tinakew to. No anggapon balut so kayaryan to, nepeg ya ilako a sakey ya aripen pian nabayaran so tinakew to. No nalmo ed sikato a mabilay so tinakew to a baka odino asno odino karniro, nepeg to a bayaran na duara so sakey. No diad labi et nasiwa so sakey a matakew ya onloloob ed sakey ya abung tan apatey, say akapatey ed sikato et ag mankasalanan na impamatey. Balet no diad agew so kagawa to, mankasalanan na impamatey.

Exodo 22:2 Referans Kwoze

Mateo 24:43

Tandaan yo ya! No amta komun na makanabung so isabiy matakew, ag onogip pian ag makaloob so matakew ed abung to.

Saray Bilang 35:27

et pinatey na akarumog ed sikaton kanayon na samay apatey to, sayan bales et aliwan kasalanan na impakapatey ed sakey a too.

1 TESALONICA 5:2

ta kabkabat yo a say isabiy Agew na Katawan et singa isabiy matakew no labi.

Joel 2:9

Maples iran ondodogpad siudad; luluksoen da ray padir; kakalaben da ray kaabungan tan ondadalan irad saray bintana a singa ra matakew.

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Say Libro nen Job 30:5

Balang sakey a too ineyagan to ran pinaarawi; naeyagan iran singa matatakew.

Say Libro nen Job 24:14

Ompaway no palbangon so managpatey na too tan pateyen to ray mairap-bilay, insan diad labi mantakew.

1 Pedro 4:15

Nepeg ya anggapoy nadusad sikayo lapud pampatey na too, o pantakew, o panggaway kaogsan, o pibalid ag to nepeg a pibalian.

Say Libro nen Job 24:16

Diad labi onloob ed kaabungan iray matakew, balet ibatikan day liwawa tan onamut ira no agew.

Jeremias 2:34

Say kawes yo atalaksikan na dala na saray totoon mairap-bilay tan anggapoy kasalanan, aliwan say dala na saray totoon linmoob a mantakew ed abung yo. “Balet anggaman onya ray ginagawam,