Exodo 21:26 - Maung A Balita Biblia

²⁶ “No say sakey a too et kabilen tod mata so aripen ton laki odino bii tan aderal so matan nakna to, nepeg ton ibolus imay aripen a pinagkabayar tod pinmultak a mata.

Maung a Balita Biblia

²⁶ No say sakey a too et kabilen tod mata so aripen ton laki odino bii tan aderal so matan nakna to, nepeg ton ibolus imay aripen a pinagkabayar tod pinmultak a mata.

Exodo 21:26 Referans Kwoze

COLOSAS 4:1

Sikayo ran amo, gawa yod saray aripen yo so makatonungan tan makanepegan. Tandaan yo a wala met so Katawan yon walad tawen.

TAGA-EFESO 6:9

Sikayo ran amo, nepeg a maung kayod saray aripen yo, tan ag yo la ra tataktakoten. Ta amta yo a nampapara kayon kayaryan na saksakey a Katawan a walad tawen a namparay pangipapasen tod amin a katoowan.

Saray Salmo 10:18

Dengelen moy tawag da ray napapairap tan saray olila; diad pananintinsiam kilingan mo ra pian ag la makapantaktakot iray totoon ompatey met lamlamang.

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Nehemias 5:5

Nampaparay dala mi, sikami tan saray kapara min Judio. Anggapoy pidomaan na saray anak mi ed saray anak da. Balet akin et nakaukolan a gawaen min aripen iray anak mi? Nilako lan aripen iray arum ya anak min bibii. Pangaskasiyan kami, lapud nala la ray kaalogan tan kaubasan mi.”

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Exodo 21:20

“No say sakey a too et pekpeken toy aripen ton laki odino bii tan inatey ed samay bektan impamekpek to, nepeg a dusaen.

Exodo 21:25

say apoolan bayaran na apoolan, say sugat bayaran na sugat, tan say biret ed laman bayaran na biret ed laman.

Exodo 21:27

No apangpangan to na ngipen, nepeg ton ibolus so aripen a pinagkabayar tod nakal a ngipen.

Exodo 21:24

say mata bayaran na mata, say ngipen bayaran na ngipen, say lima bayaran na lima, say sali bayaran na sali,