Exodo 21:20 - Maung A Balita Biblia

²⁰ “No say sakey a too et pekpeken toy aripen ton laki odino bii tan inatey ed samay bektan impamekpek to, nepeg a dusaen.

Maung a Balita Biblia

²⁰ No say sakey a too et pekpeken toy aripen ton laki odino bii tan inatey ed samay bektan impamekpek to, nepeg a dusaen.

Exodo 21:20 Referans Kwoze

Saray Taga Roma 13:4

Ta sikatoy kumikimey na Dios tan pankaabigan moy gagawaen to. Balet takot ka no maoges so gawaen mo, ta dusaen to kan dusaen. Sikatoy kumikimey na Dios a manusa ed saray manggaway kaogsan.

Probirbio 29:19

Ag napetek so aripen diad panamegley na salita labat. Nayarin natatalusan to ka, balet ag to ka dengelen.

Deuteronomio 19:21

Diad ontan a nagawa ag kayo mangiiter na panangasi; no antoy inutang sikatoy ibayar; say bilay bayaran na bilay; say mata bayaran na mata; say ngipen bayaran na ngipen; say lima bayaran na lima; tan say sali bayaran na sali.

Saray Bilang 35:19

Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

Genesis 4:24

No pitoran totoo so pateyen a pinagkabales na impamatey ed kinen Cain, Pitomplo tan pito a totoo so pateyen a pinagkabales na pamatey ed siak.”

Genesis 4:15

Balet inmebat so Katawan, “Andi! No walay mamatey ed sika, pitoran totoo so pateyen a pinagkabales to.” Kanyan minarkaan na Katawan si Cain a pamasakbay ton ag pateyen na siopaman a makabet ed sikato.

Exodo 21:19

insan makabangon lamlamang tan makaakar ed paway ya akabaston, say angabil ed sikato et nepeg a bayaran to so panaon ya ag to pakapankimey tan asikasoen to ya anggad ag to iyabig.

Exodo 21:21

Balet no ag ompatey ed loob na sakey odino duaran agew, nepeg ya ag dusaen. Masarag lan dusa to so inkaandi na kayaryan ton aripen.