Exodo 21:14 - Maung A Balita Biblia

¹⁴ Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Maung a Balita Biblia

¹⁴ Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Exodo 21:14 Referans Kwoze

Saray Hebreo 10:26

No kasumpal tin naamtaay katwaan et gagalaen tayo niy mankasalanan, anggapo lay bagat a makapaandid saray kasalanan tayo.

2 Pedro 2:10

lalo lad saray mangoonur ed maoges a liket na laman tan ag mangabkabilangan ed pakaoley na Dios. Bengatbengat tan mapaatagey ira yan ibabagak a tila-tilan bumabangat. Balbalawen tan pabpabaingan da ray gagalangen a pinalsan walad tawen.

Saray Salmo 19:13

Iyarawi mo ak pa met ed saray ginagalan kasalanan; ag mo pa iyaabuloy ya oleyan da ak. Diad ontan magmaliw ak ya anggapoy pakatetelan, tan akaliktar ak lad kaogsay kasalanan.

2 Saray Arari 11:15

Ag labay nen Joiada a napatey ed solar na Timplo si Atalia, kanyan ingganggan tod saray opisyal na sondalo: “Ipaway yon idalan ed leet na saray dasig da ray sondalo, tan patey yoy siopaman a mangyagel ed sikato.”

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

Deuteronomio 27:24

“‘Napelag komun so samba na Dios ed siopaman a maamut a mamatey na too.’ “Insan onebat iray amin a totoo, ‘Amen!’

Deuteronomio 18:22

No mansalitad ngaran na Katawan so sakey a propita balet ag ontuay salitaen to, ag nanlapud Katawan so salita to. Satan a propita et nansalita ed pakayari ton dili, kanyan nepeg ya ag yo takotan.

Deuteronomio 1:43

Imbagak ed sikayo so impaibaga na Katawan, balet ag yo dinengel. Sinmumlang kayod sikato, tan mamaung kayon amaarap ed kapokdulan a dalin.

Exodo 21:15

“Siopamay mangabil na ama to odino ina to, nepeg a pateyen.

Saray Bilang 35:16

“Balet no say sakey a too et mangikana na armas a balatyang odino bato odino kiew ed pamatey to, mankasalanan lapud impakapatey toy too, kanyan nepeg a pateyen.

Probirbio 28:17

Say toon akapatey na kapara ton too et gaganatan ton kotkotan so dilin lobuk to. Ag mo babanoen.