Exodo 20:5 - Maung A Balita Biblia

⁵ Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Maung a Balita Biblia

⁵ Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Exodo 20:5 Referans Kwoze

Saray Bilang 14:18

‘Siak, a Katawan, et aliwan maipapasnuk, tan ipanengneng ko so baleg a panangaron ag mangoman, tan pirdonaen ko so kasalanan tan say pananumlang. Balet andisaew a dusaen ko ray anak tan saray apo ya anggad kumatlo tan kumapat a kailalakan lapud saray kasalanan da ray atateng da.’

Deuteronomio 5:9

Ag ka ondadakmomo, ni mangigagalang ed saraya, ta siak, say Katawan a Dios mo et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Deuteronomio 4:24

lapud maimon tan singa manliub ya apoy so Katawan a Dios yo.

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Josue 24:19

Inkuanen Josue ed saray totoo, “Balet ompan ag yo nayarian a panlingkuran so Katawan? Sikato so masanto a Dios tan ag to pirdonaen iray kasalanan yo. Maimon a Dios

Saray Salmo 109:14

Nanunotan komun na Katawan iray kasalanay lalaki to, tan ag to pirdonaen iray kasalanay ina to.

Josue 23:7

et ag kayod satan milimug-limug ed saray akeraan ed sarayan totoo a manaayam ed kawalaan yo, o salitaen yoy kangaranan da ray diriyos da, o ikana yo ray kangaranan da diad pansamba yo, o galangen yo ray diriyos da, odino ondadakmomo kayod sikara.

Deuteronomio 6:15

No mangigalang kayod arum a diriyos, ondalang a singa apoy so pasnuk na Katawan ed sikayo tan sigput to kayon pateyen, ta say Katawan a Dios yo a kaolup yo et maimon.

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Saray Bilang 14:33

Apataploy taon a manakar-akar ed kalawakan iray anak yo, manirap ira lapud aliwa kayon matoor ed siak; manakar-akar ira ya anggad ompatey so kaonuran a mabilay ed sikayo.

Saray Salmo 79:8

Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

Saray Taga Roma 1:30

managderal na kagalangay kapara ran too, managbosul ed Dios, managpabaing, mapaatagey, mapasirayew, managanap na balon kaogsan a gawaen da, benger irad atateng da.

Jeremias 2:9

“Kanyan, siak, say Katawan, sumpaen ko lamet iray totook. Sumpaen ko ray anak na saray anak da.

Isaias 44:19

Saray managgaway talintao et anggapoy pakatalus odino liknaan dan mangikuan, “Namparlangan ko ray arum a kiew. Nanggawaan ko na kanen iray ngalab, tan nankalutan ko na karni insan ko kinan. Say arum ed samay kiew et ginawak a talintaoy dios. Et natan antoy agawak; anta sakey a poter na kiew et nakar kon dadakmomoan!”

Isaias 44:15

Say sakey a too ikana ton itotongo iray arum a kabyangan na kiew tan say arum a kabyangan et gawaen ton talintao. Saray arum a parti parlangan to a pandangdangan to tan panggawaan to na tinapay; say arum a parti gawaen ton sakey a talintaoy dios, insan to galangen.

Saray Salmo 81:15

Saray mamobosul ed siak onggiwgiw irad takot diad arap ko; ag manganggay dusa ra.

Say Libro nen Job 5:4

Ag makaarawid kaatapan iray anak da; diad korti anggapoy mangyagel ed sikara.

2 Saray Arari 23:26

Balet ag ni kinmepa ya anggad natan so mapalalon pasnuk na Katawan ed Juda lapud saray ginagawa nen Ari Manases.

2 Saray Arari 17:35

Akisipanan so Katawan ed saray Israelita tan ingganggan to ra: “Ag kayo mangigagalang ed saray arum a diriyos; ag kayo ondadakmomod sikara, o manlilingkur, o mangibabagat ed sikara.

1 Saray Arari 21:29

“Naimanom no panoy impamaabeba nen Acab ed sikaton dili diad arap ko? Lapud onyan ginawa to, ag ko iter ed sikato so dusa legan ton mambilay; legan na pambilay na anak ton laki, iter koy dusa ed saray kabyangay pamilya nen Acab.”

2 Samuel 21:6

Kanyan ipalimam ed sikami so pitoran lalakin kabyangay boleg nen Saul, ta ibitay mi rad Gabaa diad arap na Katawan ed palandey to.” “Ipalimak irad sikayo,” ebat na ari.

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Deuteronomio 32:21

Lapud saray talintaoy diriyos da pinapetang day olok; pinaimon da ak lapud saray ipapasen dan diriyos da, saray aliwan peteg a diriyos. Kanyan ikanak so sakey a paganon bansa a mamapetang na olo ra; paimonen ko ra lapud sakey a bansan makulang-kulang iray totoo to.

Deuteronomio 7:10

balet andi-saew a dusaen to ray mamosul ed sikato.

Levitico 26:29

Mapalaloy kaerasan yo kanyan kanen yo lay anggan saray dilin anak yo.

Levitico 26:1

Say Katawan kuanto, “Ag kayo manggagawa na saray diriyos, ni mangipapaalagey na saray talintao, saray baton lusek, odino saray kinortin bato a galangen yo. Siak so Katawan a Dios yo.

Levitico 20:5

siak a dili so onsumpad sikato tan amin a kabyangan na pamilya to tan sumpaen ko met iray amin a mikasakey ed insumlang tod siak diad impangigalang tod Moloc. Ag ko la ra ibilang a totook.

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

Juan 15:18

“No bosulen kayoy sankamundoan, nepeg yon nunoten a binosul ta ak ya inmona.

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Mateo 4:9

“Iter kod sika ra yan amin,” kuay Diablo, “no ondakmomo ka tan mangigalang kad siak.”

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Ezekiel 8:3

Inyonat toy singa lima, insan to ak siningkat ed buek. Diad sayan pasingayew say ispiritu na Dios inyatagey to ak tan inyakar to ak ed Jerusalem. Inyakar to ak ed dalem na lolooban na puirtad baybay na Timplo a kawalaan na talintaon makapaspasnuk ed Dios.

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Saray Salmo 78:58

Pinasanuk day Dios lapud saray paganon pasen a panangigalangan, tan pinapetang dan maung so olo to lapud saray talintaoy diriyos da.

Say Libro nen Job 21:19

Ibabaga yo a say Dios dusaen toy anak lapud saray kasalanan na ama to. Andi! Padusa yod Dios iray makasalanan, tan ipanengneng tod sikara a dusaen to ra lapud saray dilin kasalanan da.

2 Saray Awaran 25:14

Kayari nen Amasias a tinalo iray Edomita, pinmawil a sankaawit to ray talintaoy diriyos da. Inlira to ra yan talintao, inggalang to ra, tan nampool ed sikara na insinso.

2 Saray Arari 17:41

Inggalang na saraman a totoo so Katawan, balet inggalang da met iray talintaoy diriyos da; tan anggad natan gagawaen na saray kabyangay boleg da iray singa ginagawa ra.

Saray Huis 2:19

Balet kapatey na pangulo, saray totoo ompawil irad gendat a kabibilay da tan mapalalo niy kaogsan da nen say kaogsan na imbeneg a kailalakan. Nanlilingkur tan angigagalang irad saray arum a diriyos, tan diad gaway awet na olo ra intuloy day maoges a kabibilay da.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Deuteronomio 32:41

ya iyobul koy mankidiam ya ispadak tan ipakurang kon ipakurang so katonungan. Ombawi ak ed saray kalaban ko tan dusaen ko ray mamosul ed siak.

Juan 9:2

Tinepet da ray disipulo to, “Maistro, siopay nankasalanan ed inkianak ton bulag yan too, sikato odino saray atateng to?”

Deuteronomio 5:10

Balet aroen ko ray nilibon kailalakan na saray mangarod siak tan mangonur na saray ganggan ko.

1 Saray Arari 19:10

Inmebat si Elias, “Katawan a Dios a Makapanyarin-amin, panlilingkuran ta ka lawas, tan sika labat so panlilingkuran ko. Balet inkaindan na saray totood Israel so impisipanan dad sika, dinederal da ray altar mo, tan pinapatey da ray propitam. Bukbukor ko lay atilak—tan labay da ak nin pateyen.”

Ezekiel 18:19

“Balet tetepeten yo, ‘Akin et ag nadudusa so anak, lapud kasalanan na ama to?’ Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.

Ezekiel 20:7

Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.

Ezekiel 39:25

Say Katawan a Dios kuanto, “Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Saray Bilang 25:11

“Lapud samay ginawa nen Finees, ag ak la mamapasnuk ed saray totood Israel. Ag to inyabuloy so pangigalang ed dinan man a dios likud ed siak, kanyan ag ko ra dineral ya amin ed pasnuk ko.

2 Saray Arari 5:18

Lapud saya, ilaloan kon pirdonaen ak na Katawan no ibaan koy ari ya onlan mangigalang ed timplo na Rimon a dios na Siria. Andi-duaruwan pirdonaen ak na Katawan!”

2 Saray Arari 5:27

Kanyan natan onalis ed sika may sakit nen Naaman, tan mansiansian sakiten na saray kabyangay boleg mo!” Kataynan nen Giezi, nagmaliw lan akating—singa kapotiy yilo so baog to.

2 Saray Awaran 7:19

Balet no sika tan saray totoom et ag yo onuren iray ganggan tan saray bilin kod sikayo, tan mangigalang kayod arum a diriyos,

Ezekiel 18:2

tan inkuanto, “Anto ta yay probirbio ya olit-oliten ya ibaga na saray totoo ed dalin na Israel? ‘Kakanen na saray atateng so ubas ya anapseng, Balet saray anak so nakikilem.’

Daniel 3:18

Balet anggan ag to kami iyagel, andi-duaruwa, Kagalang ya Ari, ya ag kami mangigalang ed dios mo, tan ag kami ondakmomo ed samay balituk a talintaon impaalagey mo.”