Exodo 20:23 - Maung A Balita Biblia

²³ Ag yo igagawaay sikayon dili na saray diriyos a pilak odino balituk, insan kaibak iran galangen yo.

Maung a Balita Biblia

²³ Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 20:23 Referans Kwoze

Ezekiel 20:39

Say Katawan a Dios kuanto, “Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

2 Saray Arari 17:33

Kanyan inggalang day Katawan, balet inggalang da met iray diriyos dan dili, onung ed saray ogali na saray bansan nanlalapwan da.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Exodo 32:31

Si Moises pinmawil sirin ed Katawan tan kuanto, “Ambelat a tuloy so kasalanan a ginawa na saraman a totoo. Nanggawa ray dios a balituk tan inggalang da.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Daniel 5:4

tan indadayew da ray diriyos a balituk, pilak, gansa, balatyang, kiew, tan bato.

Ezekiel 43:8

Saray arari inyabay dad puirta na Timplok so puirta na palasio ra, kanyan padir labat so nanleetan mi. Lapud saray makapaingungot a ginagawa ra, impelag dad kababaingan so masanton ngaran ko, kanyan diad gaway pasnuk ko dinederal ko ra.

2 Saray Arari 17:41

Inggalang na saraman a totoo so Katawan, balet inggalang da met iray talintaoy diriyos da; tan anggad natan gagawaen na saray kabyangay boleg da iray singa ginagawa ra.

Exodo 34:17

“Ag kayo manggagawa na inmoldoran diriyos a galangen yo.

Levitico 19:4

“Ag yo ak ikakaindan tan ag kayo mangigagalang ed saray talintaoy diriyos; ag kayo manggagawa na saray mital a diriyos insan yo ra pampikasian. Siak so Katawan a Dios yo.

Deuteronomio 27:15

“‘Napelag komun so samba na Dios ed siopaman a manggawa na talintaon bato, kiew, odino mital insan to galangen ed maamut; kabosul na Katawan so pangigalangan ed saray talintaoy diriyos.’ “Insan onebat iray amin a totoo, ‘Amen!’

Deuteronomio 29:17

Anengneng yo ray makapaingungot a talintao ran kiew, bato, pilak, tan balituk.

Saray Huis 17:3

Impawil nen Micaya imay kuarta, insan inkuanen ina to, “Pian ag ondapod anak ko imay samba, masimoon kon isaklang ed Katawan yan kuartan pilak. Ikanak ed panggawad kiew a talintao a naokupay pilak. Kanyan natan ipawil kod sika yay kuarta.”