Exodo 20:21 - Maung A Balita Biblia

²¹ Balet nansiansian nanalagey ed arawdawi a pasen iray katoowan, tan si Moises labat so sinmingger ed abay na makapal a lorem a kawalaan na Dios.

Maung a Balita Biblia

²¹ Balet nansiansian nanalagey ed arawdawi a pasen iray katoowan, tan si Moises labat so sinmingger ed abay na makapal a lorem a kawalaan na Dios.

Exodo 20:21 Referans Kwoze

1 Saray Arari 8:12

Insan nampikasiy Solomon: “Katawan, sikay angilira na agew ed tawen, balet nilabay moy manayam ed kaloreman tan diad ambilonget a pasen.

Saray Salmo 97:2

Aliber na saray lorem tan kabilongetan so Katawan; maptek tan matonung so panooley to.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

Saray Salmo 18:9

Inlokyab toy tawen insan inmakseb; walay makapal a lorem ed silong na saray dapan to.

2 Saray Awaran 6:1

Nampikasiy Solomon, “Katawan, nilabay moy manayam ed kaloreman tan kabilongetan.

Saray Salmo 104:2

tan nilimbus moy sikan dili na liwawa. Inyaplag mon singa tulda iray katawenan,

Saray Salmo 18:12

Pinmaway ed kirmat a walad arapan to iray kristal tan saray kidyam na apoy tan tinmalus irad makapal a lorem.

Deuteronomio 5:22

“Sikara yay ganggan ya inter ed sikayo na Katawan nen nantitipon kayo ed palandey. Nen nansalitad sikayo diad panamegley na makapanyarin bosis a nanlapud apoy tan nanlapud makapal a lorem, inter to ra yan ganggan tan anggapo lay arum. Insan to ra intatak ed duaran tapiak a bato tan inter to rad siak.

Deuteronomio 5:5

Diad saman nanalagey ak ed nampegleyan yo tan say Katawan pian nibagak ed sikayo so imbaga to, lapud antakot kayod samay apoy tan ag kayo kinmalab ed palandey. “Say Katawan kuanto,

Exodo 19:3

Insan si Moises kinmalab ed sayan palandey, ta banaen tod man so Dios. Manlapud sayan palandey say Katawan tinawag toy Moises tan imbaga tod sikato ya ikuantod saray Israelita a kabyangan iray boleg nen Jacob: