Exodo 2:6 - Maung A Balita Biblia

⁶ Nilokasan nen prinsisa imay baskit tan anengneng toy sakey ya ogaw a manakakis. Naabagey to tan inkuanto, “Sayan ogaw et anak na sakey ed saray bibiin Hebrea.”

Maung a Balita Biblia

⁶ Nilokasan nen prinsisa imay baskit tan anengneng toy sakey ya ogaw a manakakis. Naabagey to tan inkuanto, Sayan ogaw et anak na sakey ed saray bibiin Hebrea.

Exodo 2:6 Referans Kwoze

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

Saray Gawgawa 7:21

Nen nigaton ed paway na abung, tinagibiy biin anak na ari, tan pinabaleg ton singa anak ton dili.

1 Saray Arari 8:50

Pirdonam pan amin iray kasalanan da tan say inkasumlang dad sika, tan iyabuloy mon kasian ira na saray kalaban da.

Saray Salmo 106:46

Pinalemek toy kapusoan na saray mamapairap ed sikara kanyan akasian da ra.

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Exodo 2:5

Et nibana a say prinsisa ya anak na ari et linmasur ed ilog a manames; balet saray mamarikit a katulong to nanakarakar irad gilig na ilog. Kabebekta anengneng to may baskit ed kawalaay atatagey a dika; ingganggan toy sakey a katulong to a mangalad samay baskit.

Exodo 2:7

Insan samay atsi na ogaw inkuanto, “Itawagan ta kayo na biin Hebrea, ta komisan to yan ogaw para sikayo?”

Jeremias 34:9

da ray aripen a Hebreo, laki may bii, pian anggapoy siopaman a mangaripen na kapara ton Israelita.

Exodo 1:22

Diad satan, say ari angipaakseb na sakey a ganggan ed saray amin a totoo to: “Ipaanur yod Ilog na Nilo so balang Hebreon laki a kapangyanak, balet ag yo papateyen iray kapangyanak a bibii.”