Exodo 2:23 - Maung A Balita Biblia

²³ Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Maung a Balita Biblia

²³ Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Exodo 2:23 Referans Kwoze

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Saray Gawgawa 7:30

“Kalabas na apataploy taon, pinmayawar ed kinen Moises so sakey ya anghil diad apoy na mandarlang ya abeban kiew. Agawa yad kalawakan diad asingger ed Palandey na Sinai.

Genesis 16:11

Mananak kay sakey a laki, tan ingaran mo na Ismael, ta nadngel na Katawan so tagleey mo.

Isaias 19:20

Sikara yay tanda na kiwawalay Katawan a Makapanyarin-amin ed Egipto. No napapairap iray totood man tan onkerew irad Katawan na tulong, say Katawan et mangibaki na mangyagel ed sikara.

Saray Salmo 18:6

Nen asabian ak na segsegang, tinmawag ak ed Katawan; kinmerew ak ed Dios ko na tulong to. Diad timplo to dinengel toy bosis ko; dinengel toy ikekerew koy tulong.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Nehemias 9:9

“Anengneng mo no panoy impanirap da ray lalaki mi ed Egipto; dinengel moy inkerew da na tulong nen wala rad Dayat ya Ambalanga.

Deuteronomio 24:15

Kapag nasabiy ngarem kasakbayan ya onselek so agew bayaran yoy sanagew ya impankimey to; nakaukolan toy kuarta tan iilaloan ton awaten. No ag yo bayaran, ontawag ed Katawan na sumpad sikayo, et sikayoy mankasalanan.

Exodo 4:19

Diman ed Madian say Katawan inkuantod kinen Moises, “Pawil ka lad Egipto, ta amin da ra may totoon malabay a mamatey ed sika et inaatey la ra.”

Genesis 4:10

Insan inkuan na Katawan, “Akin et onyay ginawam? Manlapud dalin, manakakis ed siak so dala na agim; singa bosis ya onkekerew na bales.

Saray Bilang 20:16

Kanyan kinmerew kami na tulong ed Katawan. Dinengel toy intawag mi, kanyan angibaki na anghil ya angipaway ed sikami manlapud Egipto. Wadya kami natan ed Cades, say baley a miketeg ed nasasakopan mon dalin.

Exodo 7:7

Mantaon na walomplo si Moises tan walomplo tan talo si Aaron nen akisalita ra ed ari.

Isaias 5:7

Say Israel so kaubasan na Katawan a Makapanyarin-amin; saray totood Juda iray wakal na ubas ya intatanem to. Inilaloan to a manggawa ray kamaungan, balet nampapatey ira lalaingen na katoowan! Inilaloan ton manggawa ray kaptekan, balet onkekerew na katonungan iray papairapen da.

Exodo 6:5

Natan nadngel koy panngesnges na saray Israelita ya aaripenen na saray Egipsio, tan anunotan koy impisipanan ko.

Exodo 6:9

Imbaga ya nen Moises ed saray Israelita, balet ag ira dinmengel ed sikato, ta nakalan iray ilalo lapud kakairapan dad pakakaaripen ed sikara.

1 Samuel 12:8

Nen linmad Egipto si Jacob tan say pamilya to, pinapairap iray tagad man. Kinmerew na tulong iray lalaki yo. Imbaki na Katawan ed satan ira di Moises tan Aaron, a sikaray angipangulo ed intaynan dad Egipto tan angiter na panayaman da ed sayan dalin.

Say Libro nen Job 35:9

No saray totoo et napapairap ira, onngengesnges ira; onkekerew irad siopaman a makapangilaban ed sikara.

Saray Salmo 102:1

Katawan, dengel mo pay pikakasik, tan talineng moy pikekerew koy tulong!

Saray Huis 4:3

Si Jabin walay siam a lasus a balatyang a karwahi ton para bakal, tan duamploy taon a pinapairap ton inoleyan iray totood Israel. Insan kinmerew na tulong ed Katawan iray Israelita.

1 Samuel 9:16

“Nabwas, sakey ya onyan oras, ibakik ed sikay sakey a lakin kabyangay tribu nen Benjamin; lanaan mo ta sikatoy manoley ed saray totook ya Israelita, tan iyagel to rad saray Filisteo. Anengneng koy kairapan da ray totook, tan nadngel koy ikekerew dad siak na tulong.”

Saray Salmo 102:2

Ag mo ak pa iyaarawian no wala ak ed gunigon! Dengel ka pad siak, tan ebatan mo ak pan tampol no ontawag ak!