Exodo 2:21 - Maung A Balita Biblia

²¹ Si Moises inmabubon ed panayam tod saman a pamilya, tan impiasawa nen Jetro ed sikato si anak ton Zipora.

Maung a Balita Biblia

²¹ Si Moises inmabubon ed panayam tod saman a pamilya, tan impiasawa nen Jetro ed sikato si anak ton Zipora.

Exodo 2:21 Referans Kwoze

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Santiago 1:10

tan say agin mayaman so pamaabeba na Dios ed sikato, ta say mayaman a too naandipat a singa rosas na dika.

Saray Hebreo 11:25

Nilabay to niy midamay ed kairapan da ray totooy Dios nen say mambilay a magano ed likeliket na kasalanan.

1 Timoteo 6:6

Baleg a kayamanan so niiter na rilihion ed sakey a too ya amta toy mamasarag na antokaman a walad sikato.

Exodo 2:10

Nen baleg la may ogaw inyakar tod samay prinsisa ya anak na ari. Samay prinsisa inala to may ogaw tan impasen ton anak ton dili. Inkuanto, “Diad danum so angaonan ko, kanyan ingaran ko na Moises.”

Saray Bilang 12:1

Si Moises angasawa na sakey a biin Cusita. Lapud saya binalaw di Miriam tan Aaron.

Saray Gawgawa 7:29

Nen nadngel ya nen Moises, tinaynan toy Egipto tan nanayam ed dalin na Madian. Akailalak diman na duara.

Exodo 2:20

Tinepet nen ama ra, “Iner so kawalaan to tan a too? Akin et tinaynan yo? Tawag yo tan bagaan yon mangan dia.”

Exodo 4:18

Sinmempet si Moises tan linmad kinen katolangan ton Jetro tan kuanto, “Abuloyan yo ak pa ya ompawil ed saray kakanayon kod man ed Egipto, ta nengnengen ko no mabilay ni ra kasi.” Inmabuloy si Jetro tan pinasiput to.

Exodo 3:1

Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Saray Bilang 10:29

Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”