Exodo 18:4 - Maung A Balita Biblia

⁴ Inkuan to met ni, “Say Dios na amak et tinulongan to ak tan inyagel to ak ed pamatey ed siak na ari na Egipto”; kanyan inngaran to na Eliezer imay sakey nin anak to.)

Maung a Balita Biblia

⁴ Inkuan to met ni, Say Dios na amak et tinulongan to ak tan inyagel to ak ed pamatey ed siak na ari na Egipto; kanyan inngaran to na Eliezer imay sakey nin anak to.)

Exodo 18:4 Referans Kwoze

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

Saray Gawgawa 12:11

Atalusan nen Pedro so agawad sikato tan inkuanto, “Amtak la natan a tua manayan angibakiy Katawan na anghil to, tan inyagel to ak ed lima nen Herodes tan diad saray iilaloan da ray Judio a gawaen ed siak.”

Daniel 6:22

Imbaki na Dios ko so anghil to ya amepet ed sangi da ray lion, pian ag da ak napasakitan. Ginawa to ya, ta amta to ya anggapoy kasalanan ko tan anggapoy maoges a ginawak ed sika, Kagalang ya Ari.”

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Salmo 34:4

Nampikasi ak ed Katawan et inebatan to ak, inekal ton amin iray takot ko.

Saray Salmo 18:48

tan ililiktar to ak ed saray kalaban ko. Katawan, sikay mangiiter ed siak na pananalo ed saray kalaban ko tan sikay mangyaagel ed siak ed saray maruksan totoo.

Saray Salmo 18:1

Inararo ta ka, O Katawan! Sika so manangyagel ko.

1 Saray Awaran 23:15

Duaray lalakin anak nen Moises: di Gersom tan Eliezer.

Exodo 2:15

Nen akabatan na ari so agawa, ingganggan ton pateyen si Moises. Balet batik si Moises ed dalin na Madian tan diman nanayam. Aminsan ya agew a manyodyorung si Moises ed abay na bobun,

Saray Gawgawa 7:29

Nen nadngel ya nen Moises, tinaynan toy Egipto tan nanayam ed dalin na Madian. Akailalak diman na duara.

Saray Hebreo 11:34

ineerep day manliub ya apoy, tan nililiktaran day ipapatey ed ispada. Kinmakapoy ira, balet nagmamaliw iran mabiskeg; makapanyari rad bakal tan tinatalo da ray sondalo na saray arum a bansa.

Genesis 49:25

Say Dios na amam so ontutulong ed sika, Say Makapanyarin-amin a Dios a mamibindision ed sika, Na saray bindision ya oran a manlalapud tawen Tan aralem iran sobul a manlalapud dalem na dalin, Saray bindision ya amayamay a baka tan amayamay ya anak,

Exodo 2:22

Nananak si Zipora na ogaw a laki. Nipaakar ed sayan ogaw si Moises inkuanto, “Sangkaili ak ed sayan dalin, kanyan Gersom so ngaran na sayan anak ko.”

Exodo 4:20

Inala nen Moises sirin so asawa to tan saray lalakin anak to; impakabayo to rad sakey ya asno, insan ira amaarap ed dalin na Egipto a sankaegnaan to may baston ya imbagay Dios ya awiten to.

1 Saray Awaran 23:17

Saksakey so lakin anak nen Eliezer a si Rehabias. Balet amayamay so kabyangay boleg nen Rehabias.

Exodo 10:28

Inkuantod kinen Moises “Arawi ka diad arap ko! Ag ka la ompapanengneng ed siak! No nanengneng ta ka ni, andi-saew ya ompatey ka!”