Exodo 18:11 - Maung A Balita Biblia

¹¹ Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Maung a Balita Biblia

¹¹ Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.

Exodo 18:11 Referans Kwoze

Saray Salmo 95:3

Ta makapanyarin Dios so Katawan makapanyarin ari na amin da ray diriyos.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

2 Saray Awaran 2:5

Baleg a timplo so ipapaalagey ko, lapud matalonggaring so Dios nen saray arum a diriyos.

Lucas 1:51

Impakana toy biskeg da ray taklay to, binuybuyak to ray mapaatagey tan saray getma ra.

Saray Salmo 135:5

Amtak a matalonggaring so Katawan tayo; matalonggaring ni nen amin da ray diriyos.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Saray Salmo 97:9

Makapanyarin-amin a Katawan, sikay manooley ed intiron mundo; matalonggaring kan tuloy nen saray diriyos.

1 Saray Awaran 16:25

Matalonggaring so Katawan, tan nepeg ya idaydayew; nepeg a lalon igalang nen saray amin a diriyos.

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”

Saray Salmo 119:21

Pamapasnukan mo ray mapaatagey; nisamba ray onsusumlang ed saray ganggan mo.

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

2 Saray Arari 5:15

Kaiba ton amin iray totoo to nen pinmawil ed kinen Eliseo tan kuanto, “Amtak la natan ya anggapo lay arum a dios no ag say Dios na Israel, kanyan awat mo pa labat yay awit kon rigalod sika.”

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Saray Salmo 31:23

Aro yoy Katawan, amin yon matoor a totoo to! Iyaagel na Katawan iray matoor, balet dudusaen to ray mapaatagey onung ed kanepegan da.

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

Nehemias 9:16

Balet nagmaliw a mapaatagey tan bangar iray lalaki mi tan ag da inonur iray ganggan mo.

1 Saray Arari 17:24

Inmebat imay balo, “Amtak la natan a sakey kan too na Dios, tan tuan mansasalitay Katawan diad panamegley mo!”

1 Samuel 2:3

Itonda yo lay makmaknul a panagpasirayew yo; ag ki la mampapasirayew ed saray panagsalita yo. Ta say Katawan et sakey a Dios a makapikabat ed amin, tan sintinsiaan toy amin a gawgawa na katoowan.

Exodo 14:18

Diad panalok ed saray Egipsio naamtaan da a siak so Katawan!”

Exodo 14:8

Pinaawet na Katawan so puso na ari, kanyan inosilan to ray Israelita a sipapalabo ran ontataynan.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Exodo 5:7

“Itonda yo lay pangiter yod saray totoo na dayami ya ikanad panggaway laryo. Ibaki yo ra, ta sikara lan diliy mananap na dayami.

Exodo 5:2

Inmebat so ari, “Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.”

Exodo 1:22

Diad satan, say ari angipaakseb na sakey a ganggan ed saray amin a totoo to: “Ipaanur yod Ilog na Nilo so balang Hebreon laki a kapangyanak, balet ag yo papateyen iray kapangyanak a bibii.”

Exodo 1:16

Inkuantod sikara, “No mamaanak kayod saray bibiin Hebrea, patey yo so ogaw no laki, balet ag yo papateyen no bii.”

Exodo 1:10

Gawaen tayoy kasiliban a pamatonda na idadakel da, ta no walay onsabi-sabin bakal, ag la pigan migampi rad saray kalaban tayo. Onlaban irad satan ed sikatayo, insan da taynan so bansa tayo.”

Saray Bilang 33:4

a mangipopompon na saray pangulowan a lalakin anak da a pinapatey na Katawan. Diad impanggawa na Katawan ed saya, impanengneng ton sikatoy makapanyari nen saray diriyos ed Egipto.