Exodo 17:2 - Maung A Balita Biblia

² Nanriklamo ra sirin ed kinen Moises tan kuanda, “Itdan mo kamiy danum ya inomen.” Inmebat si Moises, “Akin et manririklamo kayod siak? Akin et susuboken yoy Katawan?”

Maung a Balita Biblia

² Nanriklamo ra sirin ed kinen Moises tan kuanda, Itdan mo kamiy danum ya inomen. Inmebat si Moises, Akin et manririklamo kayod siak? Akin et susuboken yoy Katawan?

Exodo 17:2 Referans Kwoze

1 CORINTO 10:9

Ag tayo nepeg a subokey Katawan, a singa ginagaway arum ed sikara, kanyan pinapatey ira na saray oleg.

Saray Salmo 78:41

Inolit-olit dan sinubok so Dios, tan impanpapasnuk da so Masanton Dios na Israel.

Saray Salmo 78:18

Ginagala ran sinubok so Dios, diad impankerew day kakanen a labay da.

Deuteronomio 6:16

“Ag yo susuboken so Katawan a Dios yo a singa ginawa yod sikato diad Masa.

Saray Hebreo 3:9

Sinali tan sinubok da ak diman, kuay Dios, anggaman a naimatunan da ray ginagawak ed loob na apataploy taon.

Isaias 7:12

Inmebat si Acaz, “Ag ak onkerew na tanda. Ag ko labay a suboken so Katawan.”

Mateo 4:7

Inmebat si Jesus, “Ibabaga met na Masanton Sulat: ‘Ag mo tutuksoen so Katawan a Dios mo.’”

Saray Salmo 95:9

Sinali da ak diman tan sinubok da ak, anggan anengneng day ginagawak para sikara.

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

Saray Gawgawa 15:10

No ontan sirin, akin et labay yon subokey Dios diad pamapasakbat yod saray disipulo na ambelat a sasakbaten ya ag ayarian na saray atateng tayo, ni anggan sikatayo?

Saray Gawgawa 5:9

Inkuanen Pedro, “Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!”

Lucas 4:12

Balet inkuanen Jesus, “Ibabaga met na Masanton Sulat, ‘Ag mo tutuksoen so Katawan a Dios mo!’”

Malakias 3:15

Onung na nanenengneng tayo, saray mapaatagey a totoo so maliket. Ag labat onaaligwas iray totoon maoges, no ag ingen panusubok dad anos na Dios iray maoges a gagawaen da tan napapaliisan da.’”

Saray Salmo 106:14

Nen wala rad kalawakan sinmabid sikara so alablabas a pilalek et sinubok day Dios.

Saray Salmo 78:56

Balet sinmumpa rad Makapanyarin-amin a Dios, tan sinubok da. Ag da tinoluk iray ganggan to,

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Exodo 17:7

Samay pasen et atawag na Masa tan Meriba, lapud nanriklamo ray Israelita tan sinubok day Katawan nen tinepet da, “Walad sikatayo so Katawan odino andi?”

Lucas 15:12

Inkuay yogtan ed kinen ama to, ‘Ama, iter yo pa lad siak natan so tawir ko.’ Inapag nen ama sirin iray kayaryan to ed saramay duaran ilalak to.

Exodo 15:24

Nanriklamod kinen Moises iray totoo tan tinepet da, “Antoy inomen tayo?”

1 Samuel 8:6

Naermenan si Samuel ed sayan inkerew da na sakey ya ari; kanyan nampikasid Katawan,

Saray Bilang 14:2

Nanriklamo ra sumpad kindi Moises tan Aaron a kuanda, “Magmaung ni komun no inaatey itayo lad mad Egipto odino diad kalawakan!

Exodo 5:21

Inkuandad kindi Moises tan Aaron, “Sankanengneng na Katawan yan ginawa yo. Andi-saew a dusaen to kayo, lapud sikayoy makasengeg na pamobosul ed sikami na ari tan saray opisyal to. Initdan yo ray baraan dan mamatey ed sikami.”

Exodo 16:8

Insan inkuanen Moises, “Diad labi say Katawan so mangiter ed sikayo na karnin kanen yo tan diad kabwasan, say tinapay ya anggan anto lay karakel na labay yo, lapud nadngel to no panoy impanriklamo yo sumpad sikato. Say katwaan to, no manriklamo kayo sumpad sikami manririklamo kayo sumpad Katawan.”

Saray Salmo 95:8

“Ag yo papaawetey olo yo, a singa saray lalaki yo nen wala rad Meriba, a singa sikara nen samay agew a wala rad kalawakay Masa.

Saray Salmo 106:13

Balet alingwanan dan tampol iray ginagawa to, tan ag da la inalagar so simbawa to.

Deuteronomio 9:22

“Impanpasnuk yo met so Katawan a Dios yo nen wala kayod Tabera, Masa, tan Kibrot-hattava.