Exodo 17:15 - Maung A Balita Biblia

¹⁵ Amaalagey na altar si Moises tan tinawag to na “Say Katawan so Bandirak.”

Maung a Balita Biblia

¹⁵ Amaalagey na altar si Moises tan tinawag to na Say Katawan so Bandirak.

Exodo 17:15 Referans Kwoze

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)

Saray Salmo 60:4

Pinasakbayan mo ray mangigagalang ed sika, pian napaliisan day deral.

Genesis 33:20

Nanggawad may sakey ya altar tan nginaranan to para El, say Dios na Israel.

Exodo 24:4

Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 12:8

Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan.

Exodo 27:1

Manggawa ka na altar ya akasia. Nepeg a kuadrado; duara tan kapalduan mitro so karokey to tan duara tan kapalduan mitro so kaawang to, tan sakey tan kapalduan mitro so kaatagey to.

Exodo 32:5

Insan si Aaron nanggawa na altar ed arap na samay balituk a bakan kalakyan tan imbawag to, “Nabwas walay pista a pamagalang ed Katawan.”