Exodo 16:15 - Maung A Balita Biblia

¹⁵ Nen anengneng ira na saray Israelita, ag da amta no anto ra man kanyan nantetepetan ira, “Anto ya?” Si Moises kuantod sikara, “Sikato yay kanen yo ya inter na Katawan.

Maung a Balita Biblia

¹⁵ Nen anengneng ira na saray Israelita, ag da amta no anto ra man kanyan nantetepetan ira, Anto ya? Si Moises kuantod sikara, Sikato yay kanen yo ya inter na Katawan.

Exodo 16:15 Referans Kwoze

Exodo 16:4

Say Katawan kuantod kinen Moises, “Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Juan 6:58

Sikato ya sirin so tinapay a linmeksab a nanlapud tawen. Siopamay mangan ed sayan tinapay mambilay a magnayon. Doma yad samay inaakan ed kalawakan na saray lalaki yo, ta siansian inaatey ira.”

Exodo 16:31

Saray Israelita tinawag da na mana imay kakanen. Sayan mana singa melag ya ampotin bokel na tanaman, tan say taway to singa taway na tirampiak a kanen ya ininay dilo.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

1 CORINTO 10:3

Angan iran amin na namparan maispiritun kakanen,

Nehemias 9:20

Lapud kaabigan mo imbagam, so nepeg dan gawaen; initdan mo ray mana a kanen da, tan danum ya inomen da.

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Josue 5:12

Tinmonda lad saman a pinmelag iray mana, tan anggapo lay naala na saray Israelita. Nanlapu lad saman a panaon nanaakan la ra na saray kakanen a nanlapud bungay dalin na Canaan.

Juan 6:49

Angan na manna ed kalawakan iray lalaki yo, et siansian inaatey ira.

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

Exodo 16:33

Si Moises kuantod kinen Aaron, “Mangala kay sakey a banga, kargaan mo na kapalduay litro a mana, insan mo iyan ed arap na Katawan, ta isinup a para saray mantombuk a kabyangay boleg tayo.”

Puyan 2:17

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.

Lucas 12:30

Sikara yay anapen na saray Hintil. Amtay Ama yod tawen a nakaukolan yo ra yan amin.

Probirbio 9:5

“Gala dia, mangan kad kakanen ya imparaan ko tan inom kad alak a tinimplak.

Saray Salmo 78:24

initdan to ray nakan a nanlapud tawen, diad impangoran to na mana a kanen da.

Saray Salmo 105:40

Kinmerew ira, et initdan to ray pugo; initdan to ray kakanen a nanlapud tawen a mamesel ed sikara.