Exodo 16:12 - Maung A Balita Biblia

¹² “Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.”

Maung a Balita Biblia

¹² Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.

Exodo 16:12 Referans Kwoze

Joel 3:17

“Diad satan, Israelita, naamtaan yo a siak so Katawan a Dios yo. Manaayam ak ed Sion a masanton palandey ko. Magmaliw a masanton siudad so Jerusalem; ag lan balut nadakep na saray taga arum a bansa.

Ezekiel 39:22

Manlapud saya naamtaan na saray Israelita a siak so Katawan a Dios da.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Ezekiel 34:30

Naamtaan na balang sakey ya iyaagel koy Israel tan sikara so totook. Siak a Katawan a Dios so nansalita.

Jeremias 31:24

Manayam ed Juda tan saray baley to iray totoo; niwalad satan iray dumaralus tan saray pumapastol a wala ray karniro ra.

Exodo 7:17

Natan, Kagalang ya Ari, say Katawan kuanto a naamtaan moy peteg ya inkasikato diad panamegley na gawaen to. Nengneng mo, ibakbak kod tapew na ilog yan baston, et magmaliw a dala so danum.

Exodo 4:5

Imbilin na Katawan ed kinen Moises, “Gawam yan pakelaw a pamaneknek mod saray Israelita a say Katawan a Dios na samay lalaki ra, say Dios di Abraham, Isaac, tan Jacob, et pinmanengneng ed sika.”

Exodo 12:6

Insan diad labi na kumalabinapat ya agew na bulan, say amin a totood Israel et pateyen da ray ayayep a para paskua.

Exodo 16:11

Say Katawan kuantod kinen Moises,

Levitico 11:44

Siak so Katawan a Dios yo, kanyan nepeg a masanto kayo ta siak et masanto ak.

Saray Bilang 14:27

“Kapigay itondan manriklamo sumpad siak ira yan maoges a totoo? Alabas lay nadngel kon riklamo ra!

1 Saray Arari 20:28

Walay sakey a propita a linmad kinen Ari Acab tan kuanto, “Ibabagay Katawan: ‘Lapud ibabaga na saray Siriano a dios ak na saray palandey, aliwan dios na saray patar, panaloen ta kad saray amayamay a sondalo ra, et nabirbir mo tan saray totoom a siak so Katawan.’”

Saray Salmo 105:40

Kinmerew ira, et initdan to ray pugo; initdan to ray kakanen a nanlapud tawen a mamesel ed sikara.

Saray Bilang 11:4

Wala ray sangkailin kaolup na saray Israelita diad pankukurang ra. Nampilpilalekan day makasira na karni, tan anggan saray dilin Israelita nanriklamo ra: “Oy la komun ta makasira itayo la na karni!

Ezekiel 35:13

Nadngel koy mapalalon mapaatagey ya impansasalitam sumpad siak.”