Exodo 15:8 - Maung A Balita Biblia

⁸ Sinibukan mo so dayat, et nilusbo so danum; inmalagey a singa padir; inmawet so kaaraldaleman a dayat.

Maung a Balita Biblia

⁸ Sinibukan mo so dayat, et nilusbo so danum; inmalagey a singa padir; inmawet so kaaraldaleman a dayat.

Exodo 15:8 Referans Kwoze

Say Libro nen Job 4:9

Say Dios diad pasnuk to singa bagyon manderal ed sikara.

Saray Salmo 78:13

Binelsay toy dayat tan pinadalan to ra; pinaalagey ton singa padir so danum.

2 TESALONICA 2:8

No nakal la, ompaway la yan Maoges, tan sikatoy pateyen na Katawan a Jesus no onsabi, diad panamegley na ingas to, tan deralen to diad panamegley na mapagalang ya isabi to.

Habacuc 3:10

Nen anengneng ka na kapalandeyan ginmiwgiw ira; naibung so danum manlapud saray tawen. Inmungol iray danum ed dalem na dalin, tan binmabaleg iray daluyon da.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

2 Samuel 22:16

Pinmaway so dalem na dayat, tan alokasan iray pundasion na mundo, nen nampasnukan na Katawan iray kalaban to, tan ineyagan to ray maksil lapud sanuk to.

Isaias 37:7

Parengelan na Katawan so impirador na balbalitan makasengeg na pawilan tod dilin bansa to, tan diman papatey na Katawan.”

Exodo 14:29

Balet nanakar iray Israelita ed amagan dalin diad imbaliw dad dayat; dinmalan irad nanleetan na duaran padir a danum.

Josue 3:13

Kalasur dad danum ira may paparin mansakbat na Kaban na Sipanan na Katawan, ontondan onagos so Ilog na Jordan tan nagilon ed sakey a pasen so danum ya onaagos a palasur.”

Saray Salmo 33:7

Impantitipon ton amin iray dayat ed saksakey a pasen; inyatul to ray kaaralman na dayat ed saray kuarton panagsinupan.

Habacuc 3:15

Impagatin-gatinan mod saray kabayom so dayat, et binmora-bora so mabiskeg a danum.

Josue 3:16

tinmondan onagos so danum na ilog tan agilon ed bandad tagey so danum, diad Adan, say siudad a kaabay na Zaretan. Say agos a mampalasur ed Inatey a Dayat et sigput a tinmonda kanyan saramay totoo et akabaliw irad abay na Jerico.