Exodo 15:2 - Maung A Balita Biblia

² Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Maung a Balita Biblia

² Say Katawan so mabiskeg amanangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Exodo 15:2 Referans Kwoze

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Saray Salmo 118:14

Say Katawan iitdan to ak na pakayari tan biskeg; inlaban to ak.

Saray Salmo 18:46

Say Katawan et mabilay! Nadayew komun so manangyagel ko! Ibawag yoy talonggaring na Dios a manangilaban ko.

Saray Salmo 59:17

Idayew ta ka, sikan manangyagel ko. Say Dios so salimbengan ko, say Dios a mangaarod siak.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Saray Salmo 140:7

Katawan a Dios ko, say mabiskeg a manangyagel ko, inyagel mo ak legay bakal.

Saray Salmo 99:9

Idayew yoy Katawan a Dios tayo, tan igalang yo ed masanton palandey to! Masanto so Katawan a Dios tayo!

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!

FILIPOS 2:11

Ibawag met ed satan na amin a katoowan a si Jesu-Cristo so Katawan. Lapud saya, say Dios Ama so nagalang.

Saray Salmo 118:28

Sikay Dios ko, et misalamat ak ed sika; ibawag koy inkatalonggaring mo.

Saray Salmo 99:5

Idayew yoy Katawan a Dios tayo; igalang yo ed arap na trono to! Sikatoy masanto!

Saray Salmo 34:3

Ibaan yo ak a mangitandurod Katawan; mankakasakey itayon mangidayew ed ngaran to!

Deuteronomio 10:21

Idayew yo—sikatoy Dios yo, tan anengneng na dilin mata yo iray ankakabaleg tan makapakelkelaw a ginagawa ton para sikayo.

Exodo 3:6

Siak so Dios na saray lalakim, say Dios di Abraham, Isaac, tan Jacob.” Sinakuban nen Moises so lupa to, ta tinmakot ya onnengneng ed Dios.

2 CORINTO 5:19

Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

Saray Gawgawa 4:12

Diad sikato labat so pakalmoay kilalaban, ta anggapoy arum a ngaran ya inter na Dios ed saray katoowan diad intiron mundo a nepeg tayon kilabanan.”

Saray Salmo 145:1

Ibawag koy inkatalonggaring mo, Dios ko tan arik; ando lan ando a misalamat ak ed sika.

2 Samuel 22:47

Say Katawan et mabilay! Idayew yoy manangyagel ko! Ibawag yoy talonggaring na mabiskeg a Dios a mangilalaban ed siak!

Exodo 14:13

Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Exodo 4:22

Diad satan ibagam ed ari: Onya so kuan na Katawan ed sika, ‘Si Israel so pangulowan ya anak ko.

TAGA-EFESO 2:22

Diad pikakasakey yod sikato, akikasakey ki met ed saray arum, tan magmamaliw kayon sakey a pasen a panayamay Dios diad panamegley na Ispiritu to.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Saray Salmo 109:1

Idadayew ta ka, O Dios; ag ka pa marereen!

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Exodo 40:34

Insan say lorem kinobutan to may Tuldan tan pinano na kagalangan na Katawan.

Puyan 19:1

Kasumpal to ya, nadngel koy singa maksil a bosis na amayamay a totoo ed tawen ya inkuanda, “Igalang yoy Dios! Say kilalaban, kagalangan, tan pakayari kayaryan ira na Dios tayo!

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Juan 5:23

pian amin igalang day Anak a singa pangigagalang dad Ama. Siopamay ag mangigalang ed Anak, ag to igalang so Ama ya angibakid sikato.

Juan 4:22

Sikayo ran Samaritano et ag yo amtay gagalangen yo, balet sikami ran Judio kabat mi no siopay gagalangen mi, ta saray Judio so panlalapway kilalaban.

Lucas 2:30

Ta anengneng na dilin matak so panangilaban mo,

Lucas 1:77

tan ibagam ed saray totoo to a nilaban ira, diad pakapirdonay kasalanan da.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Jeremias 32:38

Diad satan magmaliw iran totook, tan siak so Dios da.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 3:23

Anggapoy naalagar min tulong a manlapud saray diriyos a gagalangen mid saray toktok na kapokdulan. Manlapu labat ed Katawan a Dios mi so tulong a para Israel.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Saray Salmo 132:5

anggad ag ko pakapangiter na pasen a para Katawan, sakey ya abung na Makapanyarin Dios nen Jacob.”

Saray Salmo 68:20

Say Dios tayo et Dios a manangilaban; sikato so Katawan, say Katawan tayo, a mangipapaliis ed sikatayod patey.

Saray Salmo 30:1

Idadayew ta ka, Katawan, lapud inlaban mo ak tan ag mo inyabuloy ya elek-elekan ak na saray kalaban ko.

Saray Salmo 28:8

Say Katawan iyaagel to ray totoo to, iyaagel tan ilalaban toy pinili ton ari.

Saray Salmo 22:10

Sinmaral ak ed sika nanlapu lad inkianak ko, tan sika lawas so Dios ko.

Saray Salmo 22:3

Balet sika so Masanto ya akayorung ed trono, say dadayewen na Israel.

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

1 Saray Arari 8:13

Amaalagey ak na marakerakep a Timplon para sika, sakey a pasen a panayaman mo diad ando lan ando.”

2 Samuel 22:51

Say Dios mangiiter na pananalo ed arin impasen to; ag mangoomay panangaro tod toon pinili to, diad kinen David tan saray kabyangay boleg to, diad ando lan ando.

2 Samuel 7:5

“Laka, ta ibagam ed aripen kon David a kuankod sikato, ‘Aliwan sikay mamaalagey na timplon panayaman ko.

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

COLOSAS 2:9

Ta say intiron inkagnap na inka-Dios et manaayam ed Cristo diad inkatoo to,

Genesis 49:18

“Manalagar ak na panangilaban mo, Katawan.

Saray Huis 5:21

Intaban iray agos na delap ed Kison— Say maples ya agos na Ilog na Kison. Ituloy koy onsulong, onsulong, a mabiskeg!

Saray Salmo 48:14

“Sayan Dios et Dios tayo ya anggad angga; iwanwan to itayo ed amin a panaon ya arapen.”

Habacuc 3:13

Pinmaway kan mangilaban ed saray totoom, tan mangiliktar ed pinilim ya ari. Kinabil moy pangulo da ray totoon maoges tan sigput mon dineral iray totoo to.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

2 Samuel 7:24

Ginawam ya andi-anggaan a totoom so Israel tan sika, Katawan, so nagmaliw a Dios da.

2 Samuel 22:3

Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

1 Saray Awaran 16:14

Say Katawan so Dios tayo, para amin a katoowan iray ganggan to.

Saray Salmo 118:21

Idadayew ta ka, Katawan, lapud dinengel mo ak, tan initdan mo ak na pananalo.