Exodo 14:23 - Maung A Balita Biblia

²³ Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra.

Maung a Balita Biblia

²³ Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra.

Exodo 14:23 Referans Kwoze

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 15:19

Nanakar ed amagan dalin iray Israelita nen ombabaliw irad dayat. Balet nen ombabaliw iray kabayo na saray Egipsio, saray karwahi ra tan saray kutsiro ra, pinapawil na Katawan so danum, tan tinatabunan to ra.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

1 Saray Arari 22:20

Tinepet na Katawan, ‘Siopay mamalikdod kinen Acab, pian onlad Ramot-galaad tan diman napatey?’ Sananey so imbaga na saray arum ya anghil tan sananey met so imbaga na arum.

Exodo 15:9

Say kalaban kuanto, ‘Osilan ko ra tan erelen ko ra; apagen koy kayamanan da tan alaen koy amin a labay ko; baguten koy ispadak tan alaen koy amin a kayaryan da.’

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.