Exodo 14:17 - Maung A Balita Biblia

¹⁷ Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Maung a Balita Biblia

¹⁷ Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.

Exodo 14:17 Referans Kwoze

Exodo 14:8

Pinaawet na Katawan so puso na ari, kanyan inosilan to ray Israelita a sipapalabo ran ontataynan.

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Ezekiel 34:20

“Kanyan natan, siak a Katawan a Dios ibabagak ed sikayo a sintinsiaan ta kayo ran mabiskeg a karniro tan saray makapoy a karniro.

Ezekiel 34:11

“Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Ezekiel 6:3

Ibagam ed kapalandeyan na Israel a dengelen day salita na Katawan a Dios—a dengelen day ibabagak, siak a Katawan a Dios, ed kapalandeyan, kapokdulan, kakelasan, tan kapataran: mangyakar ak na ispada a maneral ed saray pasen a pangigagalangan na saray totoo ed saray talintaoy diriyos.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Isaias 51:12

Say Katawan kuanto, “Siak so mamapabiskeg ed sikayo. Akin et takotan yoy too ya ompatey, ya ag mambayag a mambilay a singa dika?

Isaias 48:15

Siak so nansalita tan anawag ed sikato; inwanwan ko tan impanpalabok.

Oseas 5:14

Ondogpa ak a singa lion ed Israel tan diad Juda. Siak a dili so mambingbingkas ed sikara, insan ko ra taynan. No igayugoy ko ra, anggapoy makapangilaban ed sikara.

Jeremias 23:39

ya andi-duaruwan alsaen ko ra, insan ko ra ibantak ed arawi, sikara tan say siudad ya inter kod sikara tan saray lalaki ra.

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Exodo 7:3

Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Exodo 4:23

Imbagak lad sika ya abuloyan mon ontaynan, pian makapangigalang ed siak, balet ag ka inmabuloy. Natan pateyen koy lakin pangulowan ya anak mo.’”

Genesis 9:9

“Misipanan ak ed sikayo tan saray kabyangay boleg yo,

Genesis 6:17

Delapen koy intiron dalin, pian naderal so antokaman a mabilay. Ompatey ya amin iray walad tapew na dalin,

Saray Taga Roma 9:18

Kanyan kasian na Dios so labay ton kasian, tan paaweten toy puso na labay ton paaweten.

Exodo 14:23

Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.

1 Samuel 6:6

Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?

Genesis 50:9

Akila met ed sikato ray lalakin akalogan ed karwahi, tan saray akakabayo; dakerakel iran nanoolup.

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Saray Huis 4:7

Papawayen koy Sisara a pangulo na saray sondalo nen Jabin, ta labanan to kayo ed Ilog na Kison. Awiten to ray karwahi to tan saray sondalo to, balet panaloen ta kayod sikato.’”

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.