Exodo 14:10 - Maung A Balita Biblia

¹⁰ Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan.

Maung a Balita Biblia

¹⁰ Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan.

Exodo 14:10 Referans Kwoze

Saray Salmo 107:6

Insan diad inkagunigon da, tinmawag irad Katawan, et inyagel to rad paniirap da.

Saray Salmo 34:17

Saray matonung ontatawag irad Katawan, et dedengelen to ra; iyaagel to rad amin a gunigon da.

Nehemias 9:9

“Anengneng mo no panoy impanirap da ray lalaki mi ed Egipto; dinengel moy inkerew da na tulong nen wala rad Dayat ya Ambalanga.

Josue 24:7

tinmawag irad siak tan kinmerew iray tulong, et angyan ak na bilonget ed nanleetan da tan saray Egipsion inmosil. Impatabonan kod dayat iray Egipsio et nalner ira. Amta yo no antoy ginawak ed Egipto. “‘Abayag kayon nanayam ed kalawakan.

Saray Salmo 106:44

Anggaman ontan, dinengel iray Dios nen tinmawag ira, tan inimano toy kairapan da.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

2 Saray Awaran 18:31

Nen anengneng day Ari Josafat abaloan dan ari na Israel, kanyan dinogpaan da. Balet inmeyag si Josafat et inyagel na Katawan a Dios tan pinaarawi tod sikato ira may dinmogpa.

1 Juan 4:18

Anggapoy takot ed aro, ta ibabantak na aro so takot. Kanyan ag ni ayadyariy aro ed toon walay takot, ta nantekep so takot tan dusa.

Jeremias 22:23

Maimeng kayon manaayam ed saray abung a ginawad tablan sidro a nanlapud Libano, balet pangaskasiyay kipapasen yo no dapoan kayoy kairapan, a singa kairapan a liliknaen na biin mampapasakit.

Isaias 26:16

Dinusam iray totoom, Katawan, tan diad paniirap da nampikasi rad sika.

Isaias 7:2

Nen akabatan na ari na Juda a saray sondalo na Siria et akasabi la rad dalin na Israel, mapalaloy inkataktakot to tan saray amin a totoo to. Manggiwgiw ira tan singa ra kakiewan ya ipapalig na mabiskeg a dagem.

Saray Salmo 107:28

Insan diad inkagunigon da, tinmawag irad Katawan, et inyagel to rad paniirap da.

Saray Salmo 107:19

Insan diad inkagunigon da, tinmawag irad Katawan, et inyagel to rad paniirap da.

Saray Salmo 107:13

Insan diad inkagunigon da, tinmawag irad Katawan, et inyagel to rad paniirap da.

Exodo 15:25

Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum. Diman so angitdan na Katawan na saray ganggan a nepeg dan tombuken, tan diman so anubokan tod sikara.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Saray Salmo 81:7

Tinmawag kayod siak nen nagugunigon kayo, et inlaban ta kayo. Manlapud panaamutan kod bagyo inebatan ta kayo. Diad saray sobul na Meriba, sinubok ta kayo.

Exodo 13:17

Nen inabuloyan na ari ed Egipto ya ontaynan iray Israelita, ag ira inwanwan na Dios ed dalan a mamaarap ed dalin na Filistia, anggaman ya asingger iman a dalan. Ninunot na Dios, “Ag ko labay a mangoman na kanunotan iray totoo tan ompawil irad Egipto no nanengneng dan nepeg da niy mibakal.”

Josue 24:6

impaway kod Egipto iray lalaki yo, tan inosilan ira na saray Egipsion akakabayo tan akakarwahi. Balet nen akasabid Dayat ya Ambalanga iray lalaki yo