Exodo 13:6 - Maung A Balita Biblia

⁶ Diad loob na pitoran agew say kanen yon tinapay say ag pinaalsad libadura, tan diad kumapiton agew nepeg a walay pista a pamagalang ed Katawan.

Maung a Balita Biblia

⁶ Diad loob na pitoran agew say kanen yon tinapay say ag pinaalsad libadura, tan diad kumapiton agew nepeg a walay pista a pamagalang ed Katawan.

Exodo 13:6 Referans Kwoze

Levitico 23:8

Pitoy agew a mangisaklang kayod Katawan na saray bagat a popoolan. Diad kumapiton agew mantitipon kayo lamet a mangigalang ed Katawan, balet tonda kayod inagew-agew a kimey yo.

Exodo 34:18

“Silibraan yoy Pista na Tinapay ya Anggapoy Libadura. Onung na ingganggan kod sikayo, mangan kayo na tinapay ya anggapoy libadura ed loob na pitoran agew no bulan na Abib, ta saman imay bulan ya impanaynan yod Egipto.

Deuteronomio 16:8

Diad ontombuk ya anem agew nepeg a mangan kayoy tinapay ya anggapoy libadura, tan diad kumapiton agew mantitipon kayon mangigalang ed Katawan a Dios yo, tan ag kayo mankikimey ed satan ya agew.

2 Saray Awaran 30:21

Pitoy agew a magayaga sinilibraan na saray totoon nantitipon ed Jerusalem so Pista na Tinapay ya Anggapoy Libadura, tan saray Levita tan saray papari et inagew-agew dan indadayew so Katawan diad anggaay nayarian da.

Josue 5:11

Diad ontombuk ya agew kayari to ya, sikatoy onona-onan impakataway da na saray kakanen a nanlapud bungay dalin na Canaan: insanglil a trigo tan tinapay ya anggapoy libadura.