Exodo 12:51 - Maung A Balita Biblia

⁵¹ Diad saman ya agew, say Katawan impaway tod Egipto iray boleg na saray Israelita.

Maung a Balita Biblia

⁵¹ Diad saman ya agew, say Katawan impaway tod Egipto iray boleg na saray Israelita.

Exodo 12:51 Referans Kwoze

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.

Exodo 6:26

Di Aaron tan Moises so angibagaan na Katawan, “Ipangulo yon ipaway ed Egipto iray tribu na Israel.”

Saray Gawgawa 13:17

Say Dios na bansay Israel pinili to ray lalaki tayo tan ginawa to ran matalonggaring a totoo nen manaayam irad Egipto. Impaway to rad man diad panamegley na baleg a pakayari to,

Judas 1:5

Anggaman a kabat yo la ya, labay kon ipanunot nid sikayo no panoy impangilaban na Katawan ed saray totood Israel diad impangipaway tod sikara ed Egipto, balet kayari to ya, dineral to ray ag anisiad sikato.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 7:4

Insan iter kod Egipto so ambelat a dusa tan iwanwan ko ray boleg na totook diad itaynan da.

Exodo 12:50

Tinmoluk ya amin iray Israelita, tan ginawa ra so ingganggan na Katawan ed kindi Moises tan Aaron.

Exodo 13:1

Say Katawan kuantod kinen Moises,

Exodo 16:1

Manlapud Elim pinmikal ya amin iray Israelita, et diad kumalabinliman agew na kumadwan bulan kayari na impanaynan dad Egipto, akasabi rad kalawakan na Sin a nanleetan na Elim tan Sinai.

Exodo 19:1

Saray Israelita tinaynan day Refidim tan diad ononan agew na kumatlon bulan kayari na impanaynan dad Egipto, sinmabi rad kalawakan na Sinai. Nankampo rad man ed alusadsar na Palandey na Sinai.

Saray Salmo 114:1

Nen tinaynan na saray totood Israel so Egipto, nen tinaynan na saray kabyangay boleg nen Jacob iman a dalin a kayaryan na arum a totoo,

Saray Salmo 136:11

Impaway tod Egipto iray totood Israel; andi-anggaan so panangaro to;

Amos 2:10

Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.

Mikias 6:4

Impaway ta kayo ed Egipto; inekal ta kayod impakaaripen; imbakik ira di Moises, Aaron, tan Miriam ya angiwanwan ed sikayo.

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

Levitico 23:43

pian naamtaan na saray kabyangay boleg yo a say Katawan impanayam to rad abung-abung iray Israelita nen impaway to rad Egipto. Sikatoy Katawan a Dios yo.

Saray Bilang 23:22

Say Dios impaway to ra manlapud Egipto; Singa bakad katakelan a mibabakal para sikara.

Saray Bilang 33:1

Say onggendan ya agawa iter to ray kangaranan na saray pasen ya angiliraan na saray Israelita na kampo ra kayari ran tinaynan so Egipto diad panangipangulo di Moises tan Aaron.

Deuteronomio 4:37

Lapud inaro to ray lalaki yo, pinili to kayo, tan lapud baleg a pakayari to sikaton diliy angipaway ed sikayo manlapud Egipto.

Deuteronomio 16:1

“Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Josue 24:5

Insan imbakik ira di Moises tan Aaron, tan angiter ak na baleg a kairapan ed Egipto. Balet impaway ta kayo;

1 Saray Arari 6:1

Inggapo nen Solomon ya impaalagey so Timplo nen kayariy apat a lasus tan walomplon taon manlapud samay agew a tinaynan na saray Israelita so Egipto, tan legan na kumapat a taon a panaari nen Solomon, diad bulan na Sib a kumadwan bulan na taon.

2 Saray Awaran 14:12

Tinalo na Katawan iray taga Etiopia nen dinogpaan ira nen Asa tan saray sondalo na Juda. Batik iray taga Etiopia,