Exodo 12:50 - Maung A Balita Biblia

⁵⁰ Tinmoluk ya amin iray Israelita, tan ginawa ra so ingganggan na Katawan ed kindi Moises tan Aaron.

Maung a Balita Biblia

⁵⁰ Tinmoluk ya amin iray Israelita, tan ginawa ra so ingganggan na Katawan ed kindi Moises tan Aaron.

Exodo 12:50 Referans Kwoze

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Juan 15:14

Kakaaro ta kayo, no onuren yo ray ganggan ko.

Juan 13:17

Natan ta amta yo la ra ya, maliket kayo na gawaen yo ra.

Juan 2:5

Imbagay ina tod satan ed saray katulong, “Onur yoy antokaman ya ibaga to.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.

Exodo 7:4

Insan iter kod Egipto so ambelat a dusa tan iwanwan ko ray boleg na totook diad itaynan da.

Exodo 6:26

Di Aaron tan Moises so angibagaan na Katawan, “Ipangulo yon ipaway ed Egipto iray tribu na Israel.”

Saray Hebreo 11:27

Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

Exodo 12:49

Nampapara ray totontonen a nepeg a tombuken na saray nianak ya Israelita tan saray sangkailin manaayam ed bansa yo.”

Exodo 12:51

Diad saman ya agew, say Katawan impaway tod Egipto iray boleg na saray Israelita.

Saray Bilang 3:51

inter ed kinen Aaron tan saray anak ton lalaki.

Saray Bilang 5:4

Tinmoluk iray Israelita ed imbagay Katawan kanyan pinapaway da rad kampo.

Saray Bilang 8:19

Ipalimak ed kinen Aaron tan saray anak to iray Levita a rigalon nanlapud saray Israelita, ta sikaray ontulong ed kimey ed Tulda para saray totood Israel tan sikaray mangyagel ed saray Israelita ed antokaman a doknal a nasagmak da no onasingger iran tuloy ed Masanton Pasen.”

Saray Bilang 8:20

Kanyan insaklang di Moises, Aaron, tan amin a totood Israel iray Levita, onung na ingganggan na Katawan ed kinen Moises.

Saray Bilang 8:22

Saray totoo ginawa ray amin ya ingganggan na Katawan ed kinen Moises nipaakar ed saray Levita. Kanyan saray Levita et manepeg la ran mankimey ed Tulda diad panangiwanwan di Aaron tan saray lalakin anak to.

Saray Bilang 9:5

Et diad labi na kumalabinapat ya agew na ononan bulan sinilibraan dan tua diad Kalawakan na Sinai. Ginagawa na saray totoo iray amin ya ingganggan na Katawan ed kinen Moises.

Saray Bilang 36:10

Kanyan di Mala, Tirza, Hogla, Milca, tan Noa ya anak nen Zolofehad et ginawa ra so ingganggan na Katawan ed kinen Moises; akiasawa ra sirin ed saray kakapinsan da.