Exodo 12:37 - Maung A Balita Biblia

³⁷ Manlapud Ramases nanakar ya amaarap ed Sukot iray Israelita. Sakey ya anem a lasus libo ran lalaki, ya andi bali ray bibii tan saray ogogaw.

Maung a Balita Biblia

³⁷ Manlapud Ramases nanakar ya amaarap ed Sukot iray Israelita. Sakey ya anem a lasus libo ran lalaki, ya andi bali ray bibii tan saray ogogaw.

Exodo 12:37 Referans Kwoze

Exodo 38:26

Sayan belat et katiponan na amin ya imbayar na amin a totoon binilang; balang sakey a too nambayar na nakaukolan a bayar onung na panagsimbang ed santuario. Say karakel na lakin mantaon na duamplo a mampaatagey a sikaray binilang et anem a lasus tan talon libo liman lasus tan limamplo.

Saray Bilang 33:5

Tinaynan na saray totood Israel so Rameses tan inlira dad Sukot so kampo ra.

Saray Bilang 33:3

Saray totood Israel tinaynan day dalin na Egipto nen kumalabinliman agew na ononan bulan na taon, say agew kayari na ononan Paskua. Diad panangyagel na Katawan tinaynan day siudad na Rameses a sankanengneng ira na saray Egipsio

Saray Bilang 11:21

Si Moises kuantod Katawan, “Wadia ak a mangiwawanwan na anem a lasus a libon totoo, et ibabagam ya itdan mo ra na karni ed loob na sakey bulan.

Genesis 47:11

Si Jose impanayam tod Egipto si ama to tan saray agagi to, tan inter tod sikaray sankamaungan a dalin a walad abay na siudad na Rameses, onung na ingganggay ari.

Exodo 1:11

Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Saray Bilang 26:51

Say bilang na amin da ray Israelitan lalaki et anem a lasus tan sakey a libo, piton lasus tan talomplo.

Saray Bilang 2:32

Say karakel na amin a nilistan totood Israel onung ed saray grupo na olupan a kawalaan da, et anem a lasus tan talon libo, limanlasus tan limamplo.

Genesis 46:3

“Siak so Dios, say Dios nen amam,” inkuanto. “Ag ka natatakot ya onlad Egipto; gawaen kod man a baleg a bansa iray kabyangay boleg mo.

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Exodo 10:9

Inmebat si Moises, “Onla kamin amin a pati saray anak mi tan saray mamatakken ed sikami. Awiten mi ray anak min lalaki tan bibii, saray karniro, saray kanding tan saray baka mi, lapud mampista kami a pamagalang mid Katawan.”

Exodo 13:20

Tinaynan na saray Israelita so Sukot tan nankampo ra ed Etam a walad gilig na kalawakan.

Saray Bilang 1:2

“Sika tan si Aaron ala yo so bilang da ray Israelita onung ed boleg tan pamilya na balang sakey ed sikara. Ilista yoy kangaranan da ray amin a