Exodo 12:16 - Maung A Balita Biblia

¹⁶ Diad ononan agew tan diad kumapiton agew, mantitipon kayo a mangigalang ed siak. Ag kayo mankikimey legan na saratan ya agew, likud ed pangiparaan yo na kanen yo.

Maung a Balita Biblia

¹⁶ Diad ononan agew tan diad kumapiton agew, mantitipon kayo a mangigalang ed siak. Ag kayo mankikimey legan na saratan ya agew, likud ed pangiparaan yo na kanen yo.

Exodo 12:16 Referans Kwoze

Saray Bilang 28:18

Diad ononan agew na pista nepeg a mantitipon kayon mangigalang, tan nepeg ya anggapoy kimey a gawaen.

Saray Bilang 28:25

Mantitipon kayon mangigalang ed Dios diad kumapiton agew tan ag kayo mankikimey.

Exodo 16:23

Inkuantod sikara, “Say Katawan ingganggan to a nabwas et masanton agew na panagpainawa, say agew a nisaklang ed Katawan. Iyorno yo lan amin natan so labay yon ornoen, tan ilambung yo lay labay yon lambungen. Isinup yoy antokaman ya ikera yon para nabwas.”

Saray Bilang 29:12

Diad kumalabinliman agew na kumapiton bulan mantitipon kayon mangigalang ed Dios. Silibraan yon pitoy agew yan pista a pamagalang yod Katawan tan ag kayo mankikimey.

Saray Bilang 29:1

Diad ononan agew na kumapiton bulan, nepeg a mantitipon kayon mangigalang ed Dios tan ag kayo mankikimey. Diad satan ya agew paknulen iray trumpita.

Levitico 23:35

Diad ononan agew na pampista yo mantitipon kayon mangigalang ed Katawan tan tonda kayod inagew-agew a kimey yo.

Levitico 23:21

Diad satan ya agew tonda kayod inagew-agew a kimey yo, balet mantitipon kayon mangigalang ed Katawan. Saray kabyangay boleg yo et nepeg a tombuken da ra yan totontonen ya anggan kapigan man a panaon, tan anggan iner man so panayaman da.

Exodo 20:10

balet say kumapiton agew et agew na panagpainawa a nisaklang ed siak. Diad sayan agew nepeg ya anggapoy toon mankimey: sika, saray anak mo, saray aripen mo, saray ayayep mo, odino saray sangkailin manaayam ed bansam.

Exodo 16:29

Ag mo lilingwanan a siak a Katawan et initdan ta kayoy sakey ya agew a panagpainawa, kanyan diad kumanem ya agew itdan ta kayo lawas na kakanen ya ondugad loob na duay agew. Balang sakey nepeg a manayam ed kawalaan to no agew na panagpainawa tan ag to onalis ed abung to.”

Exodo 16:5

Diad kumanem ya agew nepeg a doblien da so alaen da, insan da iparaan.”

Juan 19:31

Agew na Biarnes ed saman, et ag labay na saray Judio a natilak so bangkay ed tagey na krus no Agew na Panagpainawa, ta masanto yan agew ed sikara. Kanyan kinerew dad kinen Pilato ya iyabuloy ton poteren da ray bikking da ra may impasak ed krus, tan iyepas da ra.

Exodo 34:18

“Silibraan yoy Pista na Tinapay ya Anggapoy Libadura. Onung na ingganggan kod sikayo, mangan kayo na tinapay ya anggapoy libadura ed loob na pitoran agew no bulan na Abib, ta saman imay bulan ya impanaynan yod Egipto.

Deuteronomio 16:8

Diad ontombuk ya anem agew nepeg a mangan kayoy tinapay ya anggapoy libadura, tan diad kumapiton agew mantitipon kayon mangigalang ed Katawan a Dios yo, tan ag kayo mankikimey ed satan ya agew.

Isaias 1:13

Andi-kakanaan so mangawit na saray bagat yo. Nanaingungotan ak lad balingit na insinson ibabagat yo. Ag ko la naanosan iray Balon Bulan a Pista yo, saray Agew na Panagpainawa yo, saray masanton panagtipon yo; nagmaliw iran andi-kakanaan lapud saray kasalanan yo.

Saray Bilang 28:26

Diad ononan agew na Pistay Panagani, no mangyapay kayod Katawan na bagat a balon trigo nepeg a mantitipon kayon mangigalang ed Dios tan ag kayo mankikimey.