Exodo 12:12 - Maung A Balita Biblia

¹² “Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Maung a Balita Biblia

¹² Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Exodo 12:12 Referans Kwoze

Saray Bilang 33:4

a mangipopompon na saray pangulowan a lalakin anak da a pinapatey na Katawan. Diad impanggawa na Katawan ed saya, impanengneng ton sikatoy makapanyari nen saray diriyos ed Egipto.

Exodo 12:23

Ta onliber ed Egipto so Katawan a mamatey ed saray Egipsio, et no nanengneng toy dala ed saray panuksolan tan diad saray lusek ya akapeketan na saray puirta, ag to la palooben ed kaabungan yo so Anghil na Patey tan ag to kayo pateyen.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Jeremias 43:13

Temeken to ray masanton bato a monuminto ed Heliopolis diad dalin na Egipto, tan poolan to ray timplo na saray diriyos na saray Egipsio.”

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Saray Salmo 82:6

Imbagak ed sikayon diriyos kayo, tan anak kayon amin na Sankatageyan a Dios.

Saray Salmo 82:1

Say Dios so pangulod mangatatawen a korti; sikatoy mangiiter na sintinsia no mantitipon iray diriyos:

Exodo 6:2

Akisalitay Dios ed kinen Moises tan kuanto, “Siak so Katawan.

Amos 5:17

Walay nagawan panaagugolan ed amin da ray kaubasan. Nagawa ra ya, ta onsabi ak a manusad sikayo.” Say Katawan so nansalita.

1 Saray Awaran 14:12

Tinaynan diman na saray Filisteo iray talintaoy diriyos da, tan impapopoolan ira nen David.

1 Samuel 5:3

Diad kabkabwasan na ontombuk ya agew anengneng na saray taga Asdod a say talintao nen Dagon et atumban tikleb diad arap na Kaban na Sipanan na Katawan. Impaalagey da sirin tan impawil dad pasen to.

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

1 Samuel 6:5

Nakaukolan a manggawa kayo na sarayan balituk a pelsa tan balituk ya otut a mandederal ed bansa yo, tan pagalangan yoy Dios na Israel. Itonda to angangko so panudusa tod sikayo, saray diriyos yo, tan say dalin yo.

Exodo 21:6

say amo tod satan awiten tod pasen a panangigalangan. Diman say amo pasaralen to may aripen ed puirta odino diad lusek na puirta, insan to tebengan ed layag. Diad ontan magmaliw lan aripen to ya anggad ag to ipatey.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Saray Salmo 135:8

Diad Egipto, pinatey ton amin iray pangulowan, too man odino ayep.

Jeremias 43:12

Poolan ko ray timplo na saray diriyos na Egipto tan say ari na Babilonia et poolan to ray diriyos da odino isempet to ra. Linisan na ari na Babilonia so Egipto, a singa panlinis na sakey a pastol ed kawes to diad pangekal tod saray lies na karniro, insan onsempet lan sipapalabo.

Jeremias 46:25

Say Katawan a Makapanyarin-amin a Dios na Israel kuanto, “Dusaen koy Amon a dios na Tebes, say Egipto a pati saray diriyos tan saray arari to. Alaen koy ari na Egipto tan amin da ray manmamatalek ed sikato.

Exodo 9:6

Diad kaimbwasan ginawa na Katawan so imbaga to, tan inaatey ya amin iray ayayep na saray Egipsio, balet anggapoy inatey ya anggan sakey ya ayep na saray Israelita.

Saray Salmo 91:7

Anggan bilang sanlibon totooy natumban inatey ed abay mo, samplon libo ed kaliber-liber mo, anggapoy maoges a nagawad sika.

Saray Salmo 95:3

Ta makapanyarin Dios so Katawan makapanyarin ari na amin da ray diriyos.