Ester 9:2 - Maung A Balita Biblia

² Diad ayaman na saray Judio ed balang siudad na nanarian, nankakasakey tan namparaan iran ondogpa ed siopaman a mamasakit ed sikara. Diad inerman a pasen natatakot iray totoo ed sikara, tan anggapoy makalaban ed sikara.

Maung a Balita Biblia

² Diad ayaman na saray Judio ed balang siudad na nanarian, nankakasakey tan namparaan iran ondogpa ed siopaman a mamasakit ed sikara. Diad inerman a pasen natatakot iray totoo ed sikara, tan anggapoy makalaban ed sikara.

Ester 9:2 Referans Kwoze

Ester 8:17

Inerman a luyag o siudad ya angibasaan ed samay ganggan na ari, nampipista ray Judio, nanliliket, tan nanggagayaga ra. Dakel ed saray arum a totoo so nagmamaliw a Judio, lapud antakot da la ra.

Ester 8:11

Nipaliwawad sarayan sulat ya inaboluyan na ari iray Judio ed balang siudad a togyupen day sikaran dili pian niagel day bilay da. No ondogpa iray anggan siopan totoo ya akaarmas, diad anggan anton luyag, ed saray Judion lalaki, saray kaasawaan tan saray anak da, nayarian day onlaban, pateyen da ran amin tan alaen iray kayaryan da.

Saray Salmo 71:24

Salitaen ko lawas ya inagew-agew so inkatonung mo, ta atalo tan naplag ed kababaingan iray nanggetman mamasakit ed siak.

Saray Salmo 71:13

Saray ondodogpad siak et natalo tan naderal ira komun. Saray malabay a mamasakit ed siak et nalemlemew tan napelag ira komun ed kababaingan.

Isaias 8:9

Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.

Josue 2:9

kuantod sikara, “Amtak ya inter ed sikayo na Katawan yan dalin. Natatakot ed sikayo ya amin iray tood sayan bansa.

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Exodo 23:27

“Pagmaliwen kon antakot ed siak iray totoon onsumlang ed sikayo; gewgewen ko ray totoon bakalen yo tan papoliktaren kon amin iray kalaban yo tan ibatikan da kayo.

Genesis 35:5

Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan.