Ester 7:6 - Maung A Balita Biblia

⁶ Inmebat si Ester, “Say kalaban mi et sayan toon maoges tan managpairap ed sikami—si Haman!” Asabyan na baleg a takot si Haman diad arap na ari tan say riyna.

Maung a Balita Biblia

⁶ Inmebat si Ester, Say kalaban mi et sayan toon maoges tan managpairap ed sikamisi Haman! Asabyan na baleg a takot si Haman diad arap na ari tan say riyna.

Ester 7:6 Referans Kwoze

2 TESALONICA 2:8

No nakal la, ompaway la yan Maoges, tan sikatoy pateyen na Katawan a Jesus no onsabi, diad panamegley na ingas to, tan deralen to diad panamegley na mapagalang ya isabi to.

Probirbio 16:14

Say toon makabat gawaen toy anggaay nayarian ton paliketen lawas so ari; no mampasnuk so ari, nayarin walay toon ompatey.

Saray Salmo 27:2

No dogpaan ak a pateyen na saray totoon maoges, natiror tan natumba ra.

Ester 3:10

Inekal na ari so singsing to ya ikakana tod pantimbri na saray ganggan, pian magmaliw iran opisyal a ganggan. Insan to inter ed toon kalaban na saray Judio, si Haman a lakin anak nen Hamedata a kabyangay boleg nen Agag.

Nehemias 6:16

Nen nadngelan ya na saray kalaban mi ed kaliber-liber iran bansa, abirbir dan abaingan irad saray totoo, lapud amta na balang sakey ya asumpal so kimey lapud tulong na Dios.

1 Samuel 24:13

Onung na inkuay sakey a daan a balikas, ‘Saray maoges a totoo labat so manggaway kaogsan.’ Kanyan ag ta ka pasakitan.

Isaias 21:4

Nanaelaw ak tan manggiwgiw ak ed takot ko. Nampilalekan kon onsabi lay kabwasan, balet lalon baleg a takot so inter tod siak.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Ester 7:5

Insan tinepet nen Ari Asuero ed kinen Riyna Ester, “Siopay makatepel a manggawa na ontan? Kawalaan to tan a too?”

Ester 8:1

Diad saman ya agew, inter nen Ari Asuero ed kinen Riyna Ester iray amin a kayaryan nen Haman a kalaban na saray Judio. Imbaga nen Ester ed ari a sankanayon ira nen Mardokeo, kanyan manlapud saman ya agew bolus si Mardokeo a minengneng ed ari.