Ester 7:5 - Maung A Balita Biblia

⁵ Insan tinepet nen Ari Asuero ed kinen Riyna Ester, “Siopay makatepel a manggawa na ontan? Kawalaan to tan a too?”

Maung a Balita Biblia

⁵ Insan tinepet nen Ari Asuero ed kinen Riyna Ester, Siopay makatepel a manggawa na ontan? Kawalaan to tan a too?

Ester 7:5 Referans Kwoze

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?

Say Libro nen Job 9:24

Inter na Dios so mundo ed saray maoges a totoo, Binulag to ray amin a huis. No ag ya ginawa na Dios, siopa sirin so nanggawa?

Genesis 27:33

Ginmiwgiw so intiron laman nen Isaac, tan tinepet to, “Siopa sirin imay amatey na ayep, insan to imparongod siak? Kinan ko, kasakbayan ya onsabi ka. Inter kod sikatoy samput a bindision ko, tan kien to la ya anggad angga.”

Ester 7:4

Saray totook tan siak et nilako kamin pateyen. No nilako kamin aripenen labat komun, andi bali la; ag ak la komun onesel, tan ag ta ka la sigensigenen nipaakar ed saya. Balet ngalngali da kami la pateyen, paandipaten!”

Ester 7:6

Inmebat si Ester, “Say kalaban mi et sayan toon maoges tan managpairap ed sikami—si Haman!” Asabyan na baleg a takot si Haman diad arap na ari tan say riyna.