Ester 6:13 - Maung A Balita Biblia

¹³ Imbaga tod asawa to tan amin a kakaaro iray amin ya agawad sikato. Insan samay asawa to tan saramay makabat a kakaaro to inkuandad sikato, “Nababalang mo lay pakayarim tan niyaalis ed kinen Mardokeo. Sakey a Judio, kanyan ag mo nalabanan. Andi-duaruwan taloen to ka.”

Maung a Balita Biblia

¹³ Imbaga tod asawa to tan amin a kakaaro iray amin ya agawad sikato. Insan samay asawa to tan saramay makabat a kakaaro to inkuandad sikato, Nababalang mo lay pakayarim tan niyaalis ed kinen Mardokeo. Sakey a Judio, kanyan ag mo nalabanan. Andi-duaruwan taloen to ka.

Ester 6:13 Referans Kwoze

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Genesis 41:8

Kaimbuas agunigon, kanyan impaawit to ray amin a salamangkiro tan saray makabat a lalaki ed Egipto. Imbaga tod sikara iray kinogip to, balet anggapoy makapangipatalus ed sikara.

Genesis 40:19

Kalabas na taloy agew, ibolus kay ari—balet papotul toy olom! Insan paibitin tod tiken so kabalgan mo, et kanen na saray manok so bangkay mo.”

Daniel 2:12

Lapud sayan imbaga ra, mapalaloy impakapasnuk na ari tan ingganggan ton pateyen ya amin iray sumisimbaway ari a walad Babilonia.

Say Libro nen Job 16:2

“Akadngel ak na saray salitan singa saraya nen saman; gunigon labat so iiter yon ligliwa.

Say Libro nen Job 15:24

taktakoten na kapagaan tan ipatey a singa ra arin akaparaan a mibakal.

Genesis 24:66

Samay aripen insalaysay tod kinen Isaac iray amin a ginagawa to.

Saray Bilang 24:9

Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

Deuteronomio 32:10

“Arumog to ran manaakar-akar ed maawang a kabueran, sakey a kalawakan ya andi-kakanaan tan maples so onsisiplug a dagem. Inyagel to ra tan tinalima to ra, a singa panangyagel tod sikaton dili.

Saray Salmo 105:15

Inkuanto, “Ag yo didiwiten iray aripen kon pinilik; ag yo papasakitan iray propitak!”

Zacarias 2:12

Maminsan ni lamet say Juda et magmaliw a nidoma-doman kayaryan na Katawan diad dalin ton masanto, tan say Jerusalem, et magmaliw a sankainaroan tod saray kayaryan to.