Ester 4:14 - Maung A Balita Biblia

¹⁴ No anggapoy walad sika so panaon a singa saya, manlapud tawen so tulong ed saray Judio et nilaban ira, balet ompatey ka tan mansamput lay pamilya nen amam. Balet antoy amtam no say makasengeg na impagmaliw mon riyna et lapud panaon a singa saya!”

Maung a Balita Biblia

¹⁴ No anggapoy walad sika so panaon a singa saya, manlapud tawen so tulong ed saray Judio et nilaban ira, balet ompatey ka tan mansamput lay pamilya nen amam. Balet antoy amtam no say makasengeg na impagmaliw mon riyna et lapud panaon a singa saya!

Ester 4:14 Referans Kwoze

1 Samuel 12:22

Sinambaan na Katawan ya ag to kayo ikaindan, ta ginetma to lan pagmaliwen kayo a totoo to.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Jeremias 30:11

Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 46:28

Dagoen ta kayo, ta iyagel ta kayo. Deralen koy amin a bansa ya angikaykayatan kod sikayo, balet ag ta kayo deralen. Andi-saew ya abuloyan kon nadusa kayo; balet no dusaen ta kayo, gawaen ko onung ed katonungan. Siak, say Katawan, so nansalita.”

Esdras 9:9

Naaripen kami, balet ag mo kami pinaolyan ed saman a kipapasen. Lapud ag mangoman a panangarom initdan mo ray impirador ed Persia na puson maabagey ed sikami, kanyan inabuloyan da kami nin mambilay tan mangipaalagey lamet na Timplom ya aderal-deral. Inabuloyan da kami met a mambilay ya arawid kaatapan diad Juda tan diad Jerusalem.

Ester 2:15

Sinmabiy liber nen Ester ya onlad ari. Si Ester ya anak nen Abihael tan kapinsan nen Mardokeo ya anagibid sikato et indayew na balang sakey ya akanengneng ed sikato. Nen linmad ari inkawes toy insimbawa nen Hegai ya isolung to.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Ester 2:7

Walay sakey a biin kapinsan nen Mardokeo ya Ester so ngaran to, a diad salitay Hebreo et Hadasa. Maganggana yan bii tan balibaliy impanlaman to. Nen inatey iray ateng nen Ester tinagibi nen Mardokeo tan impasen to a singa dilin anak to.

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Nehemias 6:11

Inmebat ak ed sikato, “Aliwa ak a toon batik-batik tan amut-amut. Abaloan mon onamut ak ed Timplo lapud pangawanan koy bilay ko? Ag ak onla.”

2 Saray Arari 19:3

Saya so impaikuantod kinen Isaias: “Agew natan na kairapan; nadudusa tan napapabaingan itayo. Singa itayo biin asabi lay pananak to, balet et makapkapoy a mangibuknak na ogaw.

1 Samuel 17:29

“Anto tay ginawak a?” tepet nen David. “Ag nayariy anggan mantepet sirin?”

Saray Huis 15:6

Nen tinepet na saray Filisteo no siopay nanggawad saya, akabatan da a si Samson, lapud si katolangan ton taga Timna et inter tod kaaro nen Samson si asawa nen Samson. Kanyan saray Filisteo pinoolan dan mabilay imay bii tan pinoolan da met so abung nen ama to.

Say Libro nen Job 9:18

Ngalngali ag to ak paingasen; pait na kairapan ya amin so iiter tod siak.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

2 Saray Arari 13:5

Angibakiy Katawan na sakey a pangulo ed Israel a sikatoy angekal ed saray Israelita ed pakaoley na saray Siriano; kanyan nagmaliw a mareen so panagbilay da a singa nen saman.

Ester 4:13

impawit to yan pasakbay: “Abaloan mo amon bukor moy Judion ag napatey lapu labat a wala kad palasio.

Ester 4:15

Saya so inyebat nen Ester ed kinen Mardokeo:

Ester 2:17

Labalabay na ari si Ester nen saramay arum a bibii; si Ester so akalay sankabalgan ya abig-linawa tan panangaro na ari. Kinoronaan to sirin si Ester tan ginawa ton riyna a kasalat nen Vasti.

Ecclesiastes 3:7

say panaon na pampilat tan say panaon na pandait, say panaon na panolimek tan say panaon na pansalita,