Ester 3:5 - Maung A Balita Biblia

⁵ Mapalaloy pasnuk nen Haman nen akabatan ton ag to napatalimukor tan ag to napatuek ed sikato si Mardokeo.

Maung a Balita Biblia

⁵ Mapalaloy pasnuk nen Haman nen akabatan ton ag to napatalimukor tan ag to napatuek ed sikato si Mardokeo.

Ester 3:5 Referans Kwoze

Daniel 3:19

Insan mapalaloy impetang na olo nen Nabucodonosor tan binmilonget so lupa tod pasnuk tod kindi Sadrac, Mesac, tan Abednego. Kanyan ingganggan tod saray totoo to a papetangen dan mamimpito so palbaan.

Ester 5:9

Nen nanlapud ponsia si Haman malikeliket tan masaysayaksak. Balet anengneng toy Mardokeo ed lolooban na palasio. Nen ag inmalagey si Mardokeo odino angipanengneng na pamatnagay pangigalang to nen onlalabas, mapalaloy pasnuk nen Haman ed sikato.

Probirbio 21:24

Ipanengneng mod siak so toon mapaatagey et ipanengneng kod sikay toon malastug, matangsit, tan anggapoy panangasi.

Ester 3:2

Ingganggan na ari iray amin ya opisyal a manlilingkur ed sikato a galangen day Haman diad panamegley na italimukor tan ituek dad sikato. Ginawa da yan amin likud ed kinen Mardokeo ya ag to labay so ontuek ed kinen Haman.

Probirbio 19:19

No mapetang so olo na sakey a too, paolyan mod pansumpalan to. No agwaten mon maminsan ed gunigon, nakaukolan a gawaen mo lamet.

Probirbio 12:16

No makapasnuk so makulang-kulang a too tampol ya ipapatnag to, balet say toon makatalus palalabasen toy panamabaing.

Say Libro nen Job 5:2

Inaambagel tan andi-kakanaan so alablabas a panggunigon tan pansakit na linawa.

Ester 1:12

Balet nen imbaga na saramay aripen so ganggan na ari, ag labay nen Vasti so ondago. Lapud saya, mapalaloy pasnuk na ari.

Ester 3:4

Agew-agew dan tatanggoyuren ya ontoluk, balet ag to ra dengelen. Impaliwawa to, “Sakey ak a Judio, kanyan ag ko nayariay ontuek ed kinen Haman.” Kanyan imbaga ra yad kinen Haman, ta manduaruwa ra no palabasen kasi nen Haman yan gagawaen nen Mardokeo.

Ecclesiastes 10:6

Saray makulang-kulang so nanaitday atatagey a betang, balet saray mamayaman abebebay betang da.

Saray Salmo 37:12

Say toon maoges mamplaplano sumpad maung a too tan manngilet lapud pambosul to.