Ester 3:1 - Maung A Balita Biblia

¹ Ag abayag, inyatagey nen Ari Asuero so kipapasen na sakey a lakin manngaray Haman. Impasen to a kumadwan sankatageyan ya opisyal na impirio. Si Haman et lakin anak nen Hamedata a kabyangay boleg nen Agag.

Maung a Balita Biblia

¹ Ag abayag, inyatagey nen Ari Asuero so kipapasen na sakey a lakin manngaray Haman. Impasen to a kumadwan sankatageyan ya opisyal na impirio. Si Haman et lakin anak nen Hamedata a kabyangay boleg nen Agag.

Ester 3:1 Referans Kwoze

Saray Bilang 24:7

Nawalaan ira na daakan ya oran Tan isibwag day bokel na tanaman da ed saray ambasa-basan kaalogan. Matalonggaring nen si Agag so manarid sikara, Tan onawang na mapalalo so nanarian to.

Daniel 6:2

Pinili to si Daniel tan duaran lalaki a mangasikaso ed saray gobirnador tan mangimano na pankaabigan na ari.

Ester 5:11

Impanta nen Haman ed saray sangkaili to so ontan lan kayamanan to, karakel na anak ton lalaki, say impangitagey na ari ed betang to, tan say kipapasen ton sankatageyan ed amin da ray opisyal na ari.

Ester 3:10

Inekal na ari so singsing to ya ikakana tod pantimbri na saray ganggan, pian magmaliw iran opisyal a ganggan. Insan to inter ed toon kalaban na saray Judio, si Haman a lakin anak nen Hamedata a kabyangay boleg nen Agag.

1 Samuel 15:33

Inkuanen Samuel, “Say ispadam impagmaliw ton anggapoy anak iray amayamay ya ina; ontan met a magmaliw ya anggapoy anak so inam.” Insan tinartar toy Agag diad arap na altar ed Gilgal.

Genesis 41:40

Ipasen ta kan inkargado ed bansak, tan onuren na totook iray amin a ganggan mo. Sikay onkumadwad siak ed pakaoley.

Probirbio 29:2

Ipanengneng mod siak so matonung a manoley, et ipanengneng kod sika iray totoon maliket. Ipanengneng mod siak so maoges a manoley, et ipanengneng kod sika iray totoon pangaskasiyay kipapasen da.

Ester 8:3

Insan akisalita lamet ed ari si Ester, ya akadakmomo tan mannangnangis ed saliyan na ari. Kinerew tod ari a patondaen to may maoges a plano nen Haman, a kabyangay boleg nen Agag, sumpad saray Judio.

Ester 7:6

Inmebat si Ester, “Say kalaban mi et sayan toon maoges tan managpairap ed sikami—si Haman!” Asabyan na baleg a takot si Haman diad arap na ari tan say riyna.

Ester 1:14

Saray sankabetbetan a kerewan toy simbawa et di Carsena, Setar, Admata, Tarsis, Meres, Marsena tan Memucan—pitoran opisyal na Persia tan Media a sankatageyan iran betang so bebembenan da ed nanarian.

Esdras 7:14

Siak tan saray pitoran sumisimbawak so mangibabakid sika, pian nanengneng moy kipapasen na Jerusalem tan Juda. Nengneng mo no panon so pakakaonur diman ed nimatalek ed sikan Ganggan na Dios mo.

1 Samuel 15:8

dinakep dan mabilay si Agag ya ari da ray Amalecita, balet pinatey dad panamegley na ispada iray amin a totoo.

Genesis 41:55

Nen anggapo lay nakan da ray Egipsio, linma rad ari. Inkuantod sikara, “Laka yod kinen Jose tan gawa yoy ibaga to.”

Ecclesiastes 10:6

Saray makulang-kulang so nanaitday atatagey a betang, balet saray mamayaman abebebay betang da.