Ester 2:12 - Maung A Balita Biblia

¹² Sakey taon so niganan panaon a pampaganggana na saramay bibii—anem bulan so pangimasahid sikara na larak na mira tan anem bulan so pangimasahid sikara na saray pabalingit a pampaganggana. Kayari to ya sansakey iran niakar ed kinen Ari Asuero ira may bibii.

Maung a Balita Biblia

¹² Sakey taon so niganan panaon a pampaganggana na saramay bibiianem bulan so pangimasahid sikara na larak na mira tan anem bulan so pangimasahid sikara na saray pabalingit a pampaganggana. Kayari to ya sansakey iran niakar ed kinen Ari Asuero ira may bibii.

Ester 2:12 Referans Kwoze

Isaias 57:9

Popoyukan yoy laman yo na saray nandoroman pabalingit, insan kayo mangigalang ed dios a Moloc. Diad pananap yo na saray diriyos ya igalang yo, mangibabaki kayod ararawin pasen, ya anggan diad pasen a panaayaman da ray inaatey.

Probirbio 7:17

Pinabalingitan ko na mira, aloe, tan kanila.

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Ester 2:3

Manoro ka na saray opisyal ed balang luyag na impirio, tan paawit mod sikara iray amin a maganan malangwer a mamarikit ed harim mo diad Susa, say manonan siudad. Ibagam ya iyakar da rad panagayaman na saray bibii. Ipaasikasom ira ed kinen Hegai a yunukon makaoley ed saray bibiim. Ibagam a pagang-ganaen da ran maung.

Ester 2:9

Labalabay nen Hegai si Ester, kanyan nala nen Ester so maung a linawa to. Ag nanabala si Hegai ed impangigapo to na pampagangganad kinen Ester diad panamegley na panagmasahi tan pangiter na nidoman kakanen. Inter toy sankamaungan a pasen ed ayaman, tan initdan to na pitoran bibiin pinili rad palasio a manlingkur ed kinen Ester.

Ester 2:11

Inagew-agew a manakar a mampawil-pawil ed arap na solar na harim si Mardokeo, pian naamtaan to no antoy kipapasen nen Ester tan no antoy pansumpalan to.

Ester 2:13

Nayarian na balang sakey ed sikara so mangisolung na labay ton kawes, diad iyakar tod palasio a manlapud panagayaman da ray bibii.

Isaias 3:24

Anta mampabalingit ira komun, naboluk ira; anta mambalkes ira komun na balibali, mambalkes iray magasgasal a lobir; anta marakerakep komun so buek da, nakiskisan so olo ra; anta mankawes ira komun na marakerakep, lupot so ikawes da; magmaliw a makapabaing so ganggana ra!