Ester 10:3 - Maung A Balita Biblia

³ Si Mardokeo a Judio so onkumadwad kipapasen nen Ari Asuero. Pinapagalangan tan labalabay na saray kapara ton Judio. Ginagawa toy pankaabigan na saray totoo to tan say kiarawid kaatapan na amin da ray kaybangay boleg da.

Maung a Balita Biblia

³ Si Mardokeo a Judio so onkumadwad kipapasen nen Ari Asuero. Pinapagalangan tan labalabay na saray kapara ton Judio. Ginagawa toy pankaabigan na saray totoo to tan say kiarawid kaatapan na amin da ray kaybangay boleg da.

Ester 10:3 Referans Kwoze

Nehemias 2:10

Balet agunigon a maung ira si Sanbalat a taga baley na Bet-horon, tan si Tobias ya opisyal na saray Ammonita, nen nadngelan da a walay toon sinmabi a manggaway pankaabigan da ray totood Israel.

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

Saray Taga Roma 10:1

Agagi, ontan lay pampipilalek tan pampipikasik ed Dios a nilaban ira komuy kadalaan tan kabaleyan ko.

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

2 Saray Awaran 28:7

Si Zicri a sondalon Israelita pinatey to ra di Maasias a lakin anak nen Acaz, Azricam a makaoley ya inkargadod palasio, tan Elcana ya opisyal ya onkumadwad ari.

Genesis 41:40

Ipasen ta kan inkargado ed bansak, tan onuren na totook iray amin a ganggan mo. Sikay onkumadwad siak ed pakaoley.

Daniel 5:16

Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.”

Ester 3:2

Ingganggan na ari iray amin ya opisyal a manlilingkur ed sikato a galangen day Haman diad panamegley na italimukor tan ituek dad sikato. Ginawa da yan amin likud ed kinen Mardokeo ya ag to labay so ontuek ed kinen Haman.

1 Samuel 23:17

Inkuanto, “Ag ka natatakot, ta ag ka nadiwit nen amak. Kabkabat to a sikay manari ed Israel tan siak so onkumaduad sika ed betang.”

Daniel 6:3

Ag abayag impanengneng nen Daniel so inkatalona tod kimey ed saramay duaran kapara ton opisyal tan saramay gobirnador. Lapud inkatalona ton tuloy ed panagkimey, ginetma na ari ya ipasen ton makaoley ed intiron nanarian.

Genesis 45:10

Nayarian yoy manayam ed dalin na Gosen, pian asingger kayod siak—sikayo, saray anak yo, saray apo yo, saray karniro yo, saray kanding yo, saray baka yo, tan saray arum nin kayaryan yo.

Genesis 45:11

No wala kayod Gosen, naasikaso ta kayo. Wala niy limay taon na eras, et ag ko labay a naerasan kayo, saray pamilya yo, tan saray ayayep yo.’”

1 Samuel 18:16

Balet si David inaroy amin a totoo ed Israel tan Juda, ta maaligwas a pangulo.

Ester 2:5

Diad Susa a manonan siudad walay manaayam diman a sakey a Judio a manngaran na Mardokeo ya anak nen Jair; nanlapud tribu nen Benjamin tan kabyangay boleg nen Kis tan si Simei.