Ester 10:2 - Maung A Balita Biblia

² Nikorit ed saray panagsulatan da ray arari ed Persia tan Media iray amin a matalonggaring tan makapakelaw a ginagawa to tan say impangipasen tod kinen Mardokeo ed atagey a betang.

Maung a Balita Biblia

² Nikorit ed saray panagsulatan da ray arari ed Persia tan Media iray amin a matalonggaring tan makapakelaw a ginagawa to tan say impangipasen tod kinen Mardokeo ed atagey a betang.

Ester 10:2 Referans Kwoze

Ester 8:15

Pinmaway ed palasio si Mardokeo ya akasolung na asul tan ampotin kawes na ari, akakolibemben na ambalbalangan pinon linen, tan akaiyan ed olo so baleg a koronan balituk. Insan diad saray dalan na Susa binmetag so eyag na liket tan gayaga.

Ester 9:4

Kabkabat ed intiron nanarian a si Mardokeo et makapanyari ed palasio, tan ombabaleg so pakayari to.

Ester 2:23

Nen asalaysay yan balita, arumog a tua, kanyan binitay da ra may duara. Ingganggan na ari a nikorit yan inkagawa ed panagsulatan na palasio.

Ester 6:1

Diad saman a labi ag makaogip so ari, kanyan impaala toy libro na saray awaran tan impabasa to pian narengel to.

Daniel 2:48

Insan initdan na ari si Daniel na atagey a kipapasen, initdan to na amayamay a mabmabli ran rigalo, impasen ton makaoley ed luyag na Babilonia, tan impagmaliw ton pangulo da ray amin a sumisimbawa na ari.

Saray Salmo 18:35

O Katawan, iyaagel tan ilalaban mo ak; lapud pananulong mo nagmaliw ak a matalonggaring, tan lapud pakayarim niarawi ak ed kaatapan.

1 Saray Arari 22:39

Nisulat ed libron Say Awaran da ray Ararid Israel iray arum nin ginagawa nen Ari Acab, pati say nipaakar ed palasio ton garing tan saray siudad ya impapaalagey to.

1 Saray Arari 14:19

Nisulat ed libron Awaran da ray Ararid Israel iray arum nin ginagawa nen Ari Jeroboam, saray bakal ya akilabanan to, tan no panoy impanoley to.

1 Saray Arari 11:41

Nisulat ed libron Say Awaran nen Solomon iray arum nin gawgawa tan say nipaakar ed kakabatan nen Solomon.

Ester 8:2

Inekal na ari imay singsing ton panagtimbri (a binawi tod kinen Haman) tan inter tod kinen Mardokeo.