Esdras 9:6 - Maung A Balita Biblia

⁶ Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Maung a Balita Biblia

⁶ Inkuan ko ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Esdras 9:6 Referans Kwoze

Puyan 18:5

Ta saray kasalanan to totokdulen da lay tawen, tan ag nalingwanay Dios so kaogsan to.

Saray Salmo 38:4

Onlelereg ak ed karakel na kasalanan ko; nadedetdetan ak lapud ontan lay belat da.

2 Saray Awaran 28:9

Manaayam ed Samaria so sakey a lakin manngaran na Obed, sakey a propita na Katawan. Inabet to ra may ompapawil a sondalon Israelita ya onloloob la rad siudad tan kuanto, “Akapasnuk ed Juda so Katawan a Dios na saray lalaki yo kanyan impadakep to rad sikayo. Balet nadngelan to a lapud mapalalon petang na olo yo pinapatey yo ra

Lucas 15:21

‘Ama,’ kuanen anak, ‘nankasalanan ak ed Dios tan diad sikayo. Ag ak la manepeg a tawagen yon anak yo.’

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.”

Saray Taga Roma 6:21

Antoy agunggona yo ed impanggagawa yod saray ibabaing yo la natan? Patey so pansumpalan na saraman a bengatla.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Jeremias 31:19

Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.’

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.”

Jeremias 3:3

Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Isaias 59:12

“Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Say Libro nen Job 40:4

“Katawan, nansalita ak na andi-kabaliksan. Antoy niebat ko ni? Pepetan ko lay songut ko.

Esdras 9:13

Anggan kayari na impakadusa mi lapud saray maoges tan makapoy a ginagawa mi, amta mi, O Dios mi, a daiset nen say kanepegan min dusa so inter mod sikami tan inyabuloy mo ingen a makapambilay kami ni.

Genesis 13:13

Maoges iray totood man; mapalaloy kasalanan dad Katawan.

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’

1 Saray Arari 8:47

dengel mo pa ray pikakasi na saray totoom. No diad saman a dalin et magbabawi ra tan mampikasi rad sika, ipatwa ray inkakasalanan tan inkaoges da, dengel mo pay pikakasi ra, O Katawan.

Jeremias 51:9

Saray taga arum a bansan manaayam diman kuanda, ‘Sinali min tutulongan so Babilonia, balet anggapo lay nagawaan mi. Taynanan ti la, ta ompawil ti lad dilin bansa tayo. Dinusa na Dios ed anggaay pakayari to so Babilonia tan dineral ton sigput.’”

Exodo 32:31

Si Moises pinmawil sirin ed Katawan tan kuanto, “Ambelat a tuloy so kasalanan a ginawa na saraman a totoo. Nanggawa ray dios a balituk tan inggalang da.

Levitico 26:40

“Balet saray kabyangay boleg yo ipatua da ray kasalanan da tan saray kasalanan da ray lalaki ra ya anumlang tan linmaban ed siak,

Nehemias 1:6

Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

Saray Salmo 38:5

Lapud kalokowan ko, naboboluk tan ombabanget iray girik.

Saray Tagleey 3:42

“Nankasalanan tan linmaban kami, et ag mo kami pinirdona, O Katawan.