Esdras 5:8 - Maung A Balita Biblia

⁸ “Ipakabat mid sika, Kagalang min Impirador, a linma kamid luyag na Juda. Et arumog mi a nipapaalagey lamet so Timplo na matalonggaring a Dios. Ankakabaleg a tinabas a bato tan saray kiew so nikakana. Inapiapiger tan anggapoy tonda so kimey.

Maung a Balita Biblia

⁸ Ipakabat mid sika, Kagalang min Impirador, a linma kamid luyag na Juda. Et arumog mi a nipapaalagey lamet so Timplo na matalonggaring a Dios. Ankakabaleg a tinabas a bato tan saray kiew so nikakana. Inapiapiger tan anggapoy tonda so kimey.

Esdras 5:8 Referans Kwoze

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Daniel 4:2

Dengel yoy isalaysay ko ran pakelaw tan milagro ya impanengneng ed siak na Sankatageyan a Dios.

Daniel 3:26

Kanyan si Nabucodonosor linmad puirta to may manliub a palbaan tan kinolyaotan to ra, “Sadrac, Mesac, tan Abednego! Sikayo ran aripen na Sankatageyan a Dios! Paway kayo la!” Et pinmaway iran tampol.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Saray Salmo 145:3

Matalonggaring so Katawan tan manepenepeg a galangen; sigput ya ag natalusan so inkatalonggaring to.

Ester 1:22

Angipawit na sulat ed amin a luyag a nasasakopan na impirio to diad salita tan panagsulat na balang luyag, tan kuantod sayan sulat a say asawan laki so nepeg a pangulo na pamilya to tan nepeg a nasumpal so salita to.

Ester 1:1

Nen ari si Asuero sakop toy sanlasus tan duamplo tan piton luyag manlapud India ya anggad Sudan.

Nehemias 11:3

Diad saray arum a siudad tan baley saray totood Israel, saray papari, saray Levita, saray kumikimey ed Timplo, tan saray kabyangay boleg da ray aripen nen Solomon et nanayam irad dilin dalin da diad saray dilin baley da. Say onggendan et say listaan na saray manonan totood luyag na Juda a manaayam irad Jerusalem.

Nehemias 7:6

Dakerakel ed saray nibantak ed luyag na Babilonia so pinmawil ed Jerusalem tan diad Juda; pinmawil so balang sakey ed sikara diad dilin baley to. Saray pamilya da ra ya et manaayam la ran nibantak ed Babilonia nanlapu lad impanakep nen Ari Nabucodonosor ed sikara.

Esdras 7:23

Apiapiger yon iter iray amin a nakaukolan na Dios na Tawen ya onkanad Timplo to, pain ag to ak balut napampasnukan odino saray ontombuk ed siak a manoley.

Esdras 6:10

Nepeg ya onyay nagawa, pian makapangisaklang ira na saray bagat a makapaliket ed Dios na Tawen. Nipikasi rad satan ya iter na Dios so bindision tod siak tan saray lalakin anak ko.

Esdras 2:1

Dakerakel ed saray nibantak ed luyag na Babilonia so pinmawil ed Jerusalem tan diad Juda; pinmawil so balang sakey ed sikara diad dilin baley to. Saray pamilya da ra ya et nanaayam la ran nibantak ed Babilonia nanlapu lad impanakep nen Ari Nabucodonosor ed sikara.

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Esdras 5:7

“Diad Impirador Dario, mareen komun so panoley mo.

Esdras 5:9

“Tinepet mid satan ed saray pangulo da ray totoo no siopay angiganggan ed sikaran ipaalagey da lamet so Timplo tan iyan iray kagawaan to.

Esdras 6:4

Saray padir nepeg a tapewan na tabla diad balang mikatlon dasig na baton nantatapewan. Manlapud kayamanan na palasio so amin a gastosen.