Esdras 5:3 - Maung A Balita Biblia

³ Linman tampol ed Jerusalem ira di Gobirnador Tatnai na Sagur na Eufrates, Setar-bozenai, tan saray kapara ran opisyal tan tinepet da, “Siopay angiganggan ed sikayon ipaalagey yan Timplo tan iyan iray kagawaan to?”

Maung a Balita Biblia

³ Linman tampol ed Jerusalem ira di Gobirnador Tatnai na Sagur na Eufrates, Setar-bozenai, tan saray kapara ran opisyal tan tinepet da, Siopay angiganggan ed sikayon ipaalagey yan Timplo tan iyan iray kagawaan to?

Esdras 5:3 Referans Kwoze

Esdras 6:6

Insan impawit nen Impirador Dario so onggendan ya ebat to: “Diad kindi Tatnai a gobirnador na Sagur na Eufrates, Setar-bozenai, tan saray kapara yon opisyal ed Sagur na Eufrates. “Arawian yo so Timplo

Esdras 6:13

Say ganggan na impirador et sigput a sinumpal di Gobirnador Tatnai, Setar-bozenai, tan saray kapara ran opisyal.

Esdras 5:9

“Tinepet mid satan ed saray pangulo da ray totoo no siopay angiganggan ed sikaran ipaalagey da lamet so Timplo tan iyan iray kagawaan to.

Esdras 1:3

Niwala komuy Dios ed sikayon amin a totoo to. Nepeg yoy onla ed Jerusalem na Juda, ta ipaalagey yo lamet so Timplo na Katawan, say Dios na Israel, say Dios a gagalangen ed Jerusalem.

Saray Gawgawa 4:7

Pinaalagey da ray apostol ed arap da tan tinepet da, “Panoy impanggawa yod saya? Diad anton pakayari o ngaran so impanggawa yo ya?”

Mateo 21:23

Pinmawil si Jesus ed Timplo. Nen peles ton mambabangat, dinago na saray manonan papari tan saray mamatakken a Judio tan tinepet dad sikato, “Antoy pankatonungan mon manggawad saraya? Siopay angiter ed sika yan pankatonungan?”

Esdras 7:21

“Siak, si Impirador Artajerjes, igaganggan ta kayon amin a makaoley ed kayamanan na Luyag na Sagur na Eufrates ya iter yon tampol iray amin a kerewen nen Esdras a pari a kabkabat toy Ganggan na Dios na Tawen.

Esdras 5:6

Saya so sulat ya impawit dad impirador:

Esdras 4:12

“Labay min ipaamta ed sika, Kagalang min Impirador, a saray Judion linma dia a nanlapud arum a nasasakopan yon dalin et manaayam la rad Jerusalem tan ipapaalagey da lamet so maoges tan mananumlang a siudad. Inggapo da lan ipapaalagey lamet iray padir, et ag mabayag nasumpal da la.

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Esdras 4:9

“Nanlapu yan sulat ed kinen Rehum a gobirnador, tan si Simsai a sikritario na luyag, saray kakaiba ra, saray huis, saray arum ya opisyal a gendat iran taga Erec, Babilonia, tan Susa, diad dalin na Elam,