Esdras 5:14 - Maung A Balita Biblia

¹⁴ Impawil to ray balituk tan pilak a kagawaan na Timplo ya inaala ra nen Nabucodonosor ed Timplo ed Jerusalem insan to ra inyan ed timplo ed Babilonia. Impalima nen Impirador Ciro ira yan amin a kagawaan ed sakey a lakin manngaran na Sesbasar ya impasen ton gobirnador na Juda.

Maung a Balita Biblia

¹⁴ Impawil to ray balituk tan pilak a kagawaan na Timplo ya inaala ra nen Nabucodonosor ed Timplo ed Jerusalem insan to ra inyan ed timplo ed Babilonia. Impalima nen Impirador Ciro ira yan amin a kagawaan ed sakey a lakin manngaran na Sesbasar ya impasen ton gobirnador na Juda.

Esdras 5:14 Referans Kwoze

Esdras 6:5

Amin met iray balituk tan pilak ya ikakana na Timplo ya inaala nen Ari Nabucodonosor tan inyaakar to rad Babilonia so nepeg a nipawil irad pasen dan gendat diad Timplo ed Jerusalem.”

Jeremias 52:19

Inala da ray amin a kagawaan a balituk o pilak: saray ankekelag a yaung, saray kawali a pananginay ngalab, saray yaung a pananginay dala na saray bagat, saray pananginay dapul, saray patoonay lamparaan, saray yaung a pananginay insinso, tan saray yaung ya ikakanad panangibung na saray bagat ya alak.

Esdras 5:16

Kanyan sinmabiy Sesbasar, insan to inletneg so pundasion; siansia so kimey ya anggad natan, balet ag ni asumpal.’

Saray Gawgawa 13:12

Anisia may gobirnador nen naimatonan to yan agawa, tan mankelaw a maung ed bangat a nipaakar ed Katawan.

Aggeo 2:21

“Laka ta ibagam ed kinen Zorobabel a gobirnador na Juda, ya onyay kuankod sikato, ‘Ngalngalik la yegyegen so tawen tan dalin;

Aggeo 2:2

Say Katawan impaibaga tod kinen Aggeo so salita tod kinen Zorobabel a gobirnador na Juda, si Josue a Pangulon Pari, tan saray totoo:

Aggeo 1:14

Pinabiskeg na Katawan so linawa na balang sakey ed sikara a mangipaalagey lamet ed Timplo: si Zorobabel a gobirnador na Juda; si Josue a Pangulon Pari, tan amin a totoon sinmempet a nanlapud inkibantak dad arum a bansa. Inggapo ray impankimey da ed Timplo na Katawan a Makapanyarin-amin a Dios da,

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Esdras 7:27

Inkuanen Esdras, “Nadayew so Katawan a Dios na saray lalaki tayo! Ginawa ton maabuloy so impirador a pagalangan to na onya so Timplo na Katawan ed Jerusalem.

2 Saray Awaran 36:18

Say ari na Babilonia inala to ray kagawaan ed Timplo, saray kayamanan a walad panagsinupan ed Timplo, tan saray kayamanan na ari tan saray opisyal to, insan to ra inawit ya amin ed Babilonia.

2 Saray Awaran 36:7

Inala nen Nebucodonosor so pigaran kayamanan na Timplo, insan to ra inyan ed palasio Tod Babilonia.

Esdras 5:15

Imbagad sikato na impirador ya alaen to ra, insan to ra ipawil ed Timplo ed Jerusalem, tan ipaalagey to so Timplo ed inalageyan ton gendat.