Esdras 5:11 - Maung A Balita Biblia

¹¹ “Inebatan da kami, ‘Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.

Maung a Balita Biblia

¹¹ Inebatan da kami, Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.

Esdras 5:11 Referans Kwoze

TAGA GALACIA 6:14

Balet no para siak, anggapo lay arum a pampasirayewan ko no ag say krus labat na Katawan tayon Jesu-Cristo; ta diad panamegley na krus to, say sankamundoan inatey la para siak, tan inatey ak la para sankamundoan.

Saray Taga Roma 6:16

Ag yo ta amta, a no onabuloy kayon paaripen ed siopaman, aripen kayon talaga na amon onuren yo? No aripen kayoy kasalanan, mansumpal kayod patey; no aripen kayoy katotoluk, mansumpal kayod pakapaandi na kasalanan ed arap na Dios.

Saray Taga Roma 1:16

Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

Saray Gawgawa 27:23

Ta kalabyan, nampanengneng ed siak so sakey ya anghil na Dios, say Dios ya akankien ed siak tan gagalangen ko.

Lucas 12:8

“Kuankod sikayo a siopamay mamirbir ed siak ed arap na totoo, birbiren met na Anak na Too diad arap da ray anghil na Dios!

Mateo 10:32

“Siopamay mamirbir ed siak ed arap na saray totoo, birbiren ko met ed arap na Amak a walad tawen.

Jonas 1:9

“Sakey ak a Hebreo,” ebat nen Jonas. “Mangigagalang ak ed Katawan a Dios na tawen, say nanggawad dalin tan say dayat.”

Daniel 3:26

Kanyan si Nabucodonosor linmad puirta to may manliub a palbaan tan kinolyaotan to ra, “Sadrac, Mesac, tan Abednego! Sikayo ran aripen na Sankatageyan a Dios! Paway kayo la!” Et pinmaway iran tampol.

Saray Salmo 119:46

Ibawag kod saray arari iray ganggan mo, et ag ak ombaing.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

1 Saray Arari 6:38

Diad bulan na Bul, say kumawalon bulan na kumalabinsakey a taon na panooley nen Solomon, asumsumpal a nipaalagey so Timplo onung na implano. Pitoy taon ya impaalagey nen Solomon so Timplo.

Esdras 5:10

Tinepet mi met so kangaranan da pian nipakabat mid sika no siopa ray pangulo ed sayan kimey.

Saray Salmo 136:26

Misalamat kayod Dios na tawen; andi-anggaan so panangaro to.

Genesis 24:3

Labay kon isambam, diad ngaray Katawan, say Dios na tawen tan dalin, ya ag ka mampipili na asawaey anak ko ed saray totoo diad Canaan a panaayaman ko.

1 Saray Arari 9:10

Duamploy taon ya impaalagey nen Solomon so Timplo tan say palasio to.