Esdras 4:24 - Maung A Balita Biblia

²⁴ Apatonday kimey ed Timplo tan nansiansian ag adiwit ya anggad kumadwan taon na panooley nen Impirador Dario na Persia.

Maung a Balita Biblia

²⁴ Apatonday kimey ed Timplo tan nansiansian ag adiwit ya anggad kumadwan taon na panooley nen Impirador Dario na Persia.

Esdras 4:24 Referans Kwoze

Aggeo 1:15

nen kumaduamplo tan apat na kumanem a bulan na kumadwan taon na panaari nen Dario.

Say Libro nen Job 20:5

anggapoy maoges a toon nambayag so impanliket to.

Nehemias 6:9

Papatakoten da kami labat, pian natondaan so kimey. Nampikasi ak, “Balet natan, O Dios, pabiskeg mo ak pa!”

Nehemias 6:3

Kanyan angibaki ak na totook tan impaibagak ed sikara, “Amayamay so kimey ko, kanyan ag ak ditan makakar. Ag ko nayarian a patondaen so kimey lapu labat ed pitongtong kod sikayo.”

Esdras 6:1

Kanyan ingganggan nen Impirador Dario a nagaway pansokay ed saray awaran na ari a nisinup ira ed Babilonia.

Esdras 5:5

Balet ag pinaolyan na Dios iray pangulo na saray Judio, kanyan ag ira pinatonda na saray opisyal na Persia, anggad ag da pakasulat ed Impirador Dario tan pakaawat na ebat to.

1 TESALONICA 2:18

Labalabay miy makapawil ditan. Diad tuay tua, siak, a si Pablo, aliwan aminpinsay iyakar kod tan lawari, balet sinesebelan kami nen Satanas.

Esdras 4:23

Kapangibasad sayan sulat a nanlapud Ari Artajerjes ed arap di Rehum, Simsai, tan saray kakaiba ra, nangganat iran linmad Jerusalem, tan pinasoot dan pinatonda ray Judio ed pamapaalagey da lamet na siudad.

Esdras 5:1

Diad sayan panaon inggapo di propita Aggeo tan Zacarias a lakin anak nen Iddo so nampulong ed ngaran na Dios na Israel ed saray Judion manaayam ed Juda tan Jerusalem.

Esdras 6:14

Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Aggeo 2:15

Say Katawan kuanto, “Ag yo nanaimano so agawad sikayo! Kasakbayan yon inggapoy pamaalagey lamet ed Timplo,

Zacarias 1:1

Nen kumawalon bulan na kumadwan taon na panaari nen Dario ed Persia, say Katawan akisalitad kinen propita Zacarias a lakin anak nen Berekias tan apo nen Iddo.

Esdras 3:8

Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Esdras 4:5

Pinapasoksokan da ray opisyal ed gobirno, pian sumpaen da ra. Ag da tinondaan a ginagawa ya, legan na impanoley nen Impirador Ciro ya anggad impanoley nen Impirador Dario.

Esdras 6:15

Asumpal dan impaalagey so Timplo nen kumanem a taon na panooley nen Impirador Dario sanen kumatlon agew na bulan ya Adar.

Daniel 11:2

Katwaan ira yay salitaen kod sika natan.” Samay anghil inkuanto, “Talora nin ari so manoley ed Persia, insan onsalat so kumapat a mayaman ni nen saramay talora. Diad kabisbiskegan to lapud kayamanan to, sagyaten ton mibakal so nanarian na Grecia.

Aggeo 2:18

Natan et kumaduamplo tan apat ya agew na kumasyam a bulan, say agew na impakasumpal na pundasion na Timplo. Imano yo no antoy nagawa manlapud natan.