Esdras 2:63 - Maung A Balita Biblia

⁶³ Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Tummim tan Urim.

Maung a Balita Biblia

⁶³ Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Tummim tan Urim.

Esdras 2:63 Referans Kwoze

Exodo 28:30

Ipeket mod apis na pagew so Urim tan Tummim, pian si Aaron et sankaawit to ra no onloob ed pasen a kawalaan ko. Diad saratan a panaon nepeg ton isolung lawas so sayan apis na pagew, pian naamtaan to so linawak para saray Israelita.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Levitico 2:10

Kayaryan na saray papari so soluk ed sayan bagat; masanto yan tuloy, ta inala ed kakanen ya imbagat ed Katawan.

Levitico 2:3

Kayaryan na saray papari so soluk ed sayan bagat a trigo; masanto yan tuloy, ta inala ed kakanen ya imbagat ed Katawan.

Nehemias 8:9

Nen nadngel na saray totoo so labay ya ibaga na Ganggan, atenyeg so puso ra kanyan nanaakis ira. Saray mangipapaliwawa na Ganggan a di Nehemias a gobirnador, Esdras a pari tan iskriba, tan saray Levita, et inkuanda sirin ed amin a totoo, “Masanto yan agew ed Katawan a Dios yo, kanyan ag kayo nepeg a manermen odino onakis.

Levitico 22:10

“Saray kabyangan labat na pamilyay pari so nayarin mangan na saray masanton bagat; anggapo lay arum a nayarin mangan ed sarayan bagat—ag nayari so anggan toon manaayam ed sakey a pari odino say toon uupaan ton mankimey.

Nehemias 10:1

Say inmonan nampirma et say Gobirnador a si Nehemias a lakin anak nen Hacalias, insan sinmoblay si Sedekias. Nampirma met iray onggendan:

Nehemias 7:65

Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Urim tan Tummim.

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.

Deuteronomio 33:8

Nipaakar ed tribu nen Levi inkuanto: “O Katawan, ipaamtam pay linawam diad panamegley na Urim tan Tummim Diad panamegley na saray matoor ya aripen mon Levita; Sinubok mo ra ed dalin na Masa Tan apaneknekan mon matua ra diad danum ed Meriba.

Saray Bilang 18:32

Ag kayo mankasalanan no kanen yo so akeraan, dapot no nisaklang yo la so sankaabigan ed Katawan. Balet ag yo dodotakan iray masanton rigalo na saray Israelita diad pangan yod dinan man ed saray rigalo kasakbayan na pangibagat yo ed sankaabigan a parti; no dotakan yo, ompatey kayo.”

Saray Bilang 18:19

“Iter kod sika, tan saray anak mon lalaki tan bibii iray amin a nidoma-doman bagat ya insaklang ed siak na saray Israelita; kayaryan yo ra ya anggad angga. Ag naderal yan impisipanan kod sika tan saray kabyangay boleg mo.”

Levitico 8:8

Insolung tod sikato so apis na pagew tan inyan to dia so Urim tan Tummim.

Levitico 7:16

No say sakey a too et mangyakar na bagat a para kareenan, a panumpal tod sipan to odino pangibagat tod mabulos a linawa, aliwan amin et nepeg a kanen diad agew ya impangibagat, no ag ingen say nakeraan nayarin kanen ed ontombuk ya agew.

Levitico 6:29

Siopamay lakin kabyangan na pamilyay pari et nayarian toy mangan ed sayan bagat; masanton tuloy yan bagat.

Esdras 2:64

Say bilang na amin da ray pinmawil et apataplo tan duan libo, talon lasus tan anemaplo Saray lalaki tan bibiin aripen da—piton libo, talon lasus talomplo tan pito Saray lalaki tan bibiin tumutogtog tan saray kumakanta—duan lasus Saray kabayo—piton lasus, talomplo tan anem Saray mula—duan lasus, apataplo tan lima Saray kamilyo—apat a lasus, talomplo tan lima Saray asno—anem a libo, piton lasus tan duamplo

Levitico 22:13

Balet say balo odino insian a bii ya anggapoy anak to tan pinmawil a manaayam ed abung na ama to a singa say gendat a kipapasen to nen marikit ni, nayarin mangan na kakanen a nanaawat na ama ton pari. Saray kabyangan labat na pamilya na pari so nayarin mangan na saray masanton bagat.

Nehemias 10:2

Saray papari: Seraya, Azarias, Jeremias, Pasur, Amarias, Malkias, Hatus, Sebanias, Maluc, Harim, Meremot, Obadias, Daniel, Gineton, Baruc, Mesullam, Abias, Miamim, Maazias, Bilgai, tan Semaya.