Esdras 10:6 - Maung A Balita Biblia

⁶ Manlapu ed arap na Timplo, linmay Esdras ed kuarton panaayaman nen Johanan a lakin anak nen Eliasib. Sanlabid man a nanermen lapud aliwan matoor ira may pinmawil manlapud inkibantakan dan bansa. Ag angan o inminom na antokaman.

Maung a Balita Biblia

⁶ Manlapu ed arap na Timplo, linmay Esdras ed kuarton panaayaman nen Johanan a lakin anak nen Eliasib. Sanlabid man a nanermen lapud aliwan matoor ira may pinmawil manlapud inkibantakan dan bansa. Ag angan o inminom na antokaman.

Esdras 10:6 Referans Kwoze

Deuteronomio 9:18

Insan apataploy agew tan labin tinmikleb ak lamet ed arap na Katawan tan ag ak balut angan o inminom. Ginawak iman lapud nankasalanan kayod Katawan tan impanpasnuk yo.

Nehemias 12:22

Walay nisinup a listaan da ray pangulo na saray pamilya da ray Levita tan saray papari legan na impanbilay na saray onggendan a Pangulon Papari: Eliasib, Joiada, Jonatan, tan Jadua. Asumpal yan listaan nen impirador na Persia si Dario.

Nehemias 3:1

Onya so impamaalagey lamet ed padir na siudad. Pinasimbalon impaalagey nen Eliasib a Pangulon Pari tan saray kapara ton papari so Puirta na Karniro. Insaklang dad Dios, insan da inyan iray puirta to. Insaklang da so padir ya anggad Tori na Sanlasus tan say Tori nen Hananeel.

Daniel 9:3

Insan masimoon ak a nampikasi ed Katawan a Dios, nankerew ak ed sikato, nanayuno ak, nankawes ak na sako, tan nanirung ak ed dapul.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Say Libro nen Job 23:12

Oonuren ko lawas iray Ganggan na Dios; susumpalen koy linawa to, aliwan say dilin labay ko.

Nehemias 13:28

Si Joiada a lakin anak nen Eliasib so Pangulon Pari. Balet inasawa na sakey ed saray lalakin anak to so anak nen Sanbalat a taga baley na Bet-horon, kanyan pinataynan kod Jerusalem si Joiada.

Nehemias 13:5

Inabuloyan ton ikana nen Tobias so sakey a baleg a kuarto a nigana a pangisinupan labat na saray bagat a trigo tan insinso, saray kagawaan ya ikakanad Timplo, saray bagat a para saray papari, tan saray kakaplo na trigo, alak, tan larak na oliba a rigalod saray Levita, saray tumutogtog tan saray kumakantad Timplo, tan saray guardiad Timplo.

Nehemias 12:10

Si Jesua so ama nen Joakim ya ama nen Eliasib; si Eliasib so ama nen Joiada

Nehemias 3:20

Impaalagey nen Baruc a lakin anak nen Zacai so onsoblay a soldung na padir ya anggad lolooban na abung nen Eliasib a pangulon pari.

Esdras 10:1

Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelita—lalaki, bibii, tan ogogaw—tan manakakis na ampaipait.

Esdras 9:4

Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.

Exodo 34:28

Diad loob na apataploy agew tan labi si Moises kaiba tod tagey na palandey so Katawan; ag balut angan, ni inminom. Intatak tod saray tapyak a bato iray salita na sipanan—saray Samploran Ganggan.

Esdras 10:7

Niganggan ed intiron Jerusalem tan Juda a mantitipon ed Jerusalem iray amin ya Israelitan pinmawil manlapud inkibantakan dan bansa.

Saray Salmo 102:4

Nalelemay so pusok a singa dikan agatin-gatinan; anggapo lay ganas kon mangan.