Esdras 10:11 - Maung A Balita Biblia

¹¹ Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Maung a Balita Biblia

¹¹ Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.

Esdras 10:11 Referans Kwoze

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Esdras 10:3

Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

Josue 7:19

Inkuanen Josue ed sikato, “Anak ko, ibagam so tua ed arap na Katawan a Dios na Israel, pian sikatoy napagalangan mo. Ibagam natan so ginawam. Ag mo iyaamut ed siak.”

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Isaias 56:4

Say Katawan kuantod satan a too, “No ngilinan moy Agew na Panagpainawa tan gawaen moy makapaliket ed siak tan matoor mon sumpalen so impisipanan ko,

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Nehemias 13:3

Nen nadngel na saray totood Israel yan parti na Ganggan pinaekal dad olupan da iray amin a taga arum a bansa.

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

Juan 9:24

Kanyan impatawag da lamet imay toon nianak a bulag tan kuanda, “Pagalangan moy Dios diad pangibagam na katwaan! Amta min makasalanan iman a too.”

2 Saray Awaran 30:22

Intanduro nen Ezekias ira may Levita lapud kamaungan dan angipangulo ed impangigalang ed Katawan. Kayariy pitoy agew na impangisasaklang day bagat a para kareenan tan say impangiiter day pisasalamat ed Katawan a Dios na saray lalaki ra,

Esdras 10:10

Inmalagey si Esdras a pari, insan nansalitad sikara. Inkuanto, “Aliwa kayon matoor, ta angaasawa kayoy bibiin taga arum a bansa, kanyan inaruman yoy kasalanan na Israel.

Esdras 10:12

Inmeyag ya inmebat iray totoo, “Gawaen miy antokaman ya ibagam.”

Ezekiel 18:30

“Siak, a Katawan a Dios, ibabagak ed sikayo ya Israelita a sintinsiaan koy balang sakey ed sikayo onung na ginawa to. Magbabawi kayo lad saray maoges a gagawaen yo tan ag yo aabuloyan a deralen kayo na kasalanan yo.