Esdras 10:10 - Maung A Balita Biblia

¹⁰ Inmalagey si Esdras a pari, insan nansalitad sikara. Inkuanto, “Aliwa kayon matoor, ta angaasawa kayoy bibiin taga arum a bansa, kanyan inaruman yoy kasalanan na Israel.

Maung a Balita Biblia

¹⁰ Inmalagey si Esdras a pari, insan nansalitad sikara. Inkuanto, Aliwa kayon matoor, ta angaasawa kayoy bibiin taga arum a bansa, kanyan inaruman yoy kasalanan na Israel.

Esdras 10:10 Referans Kwoze

Mateo 23:32

Sigi sirin, ituloy yoy inggapo nen saman na saray lalaki yo!

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

2 Saray Awaran 28:13

Inkuanda, “Ag yo dia aawiten ira tan a priso! Mapalalo lay impankasalanan tayod Katawan kanyan dusaen to itayo la lapud sikatoy impanpasnuk tayo. Balet natan labay yo nin aruman so kasalanan tayo.”

Saray Bilang 32:14

Et natan sinalatan yo ray atateng yo, sakey a balon kailalakan na makasalanan a totoo a sipaparaan a mangipadapo lamet na mapalalon pasnuk na Katawan ed Israel.

Esdras 10:9

Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Esdras 10:11

Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Esdras 9:14

Kanyan anto niy makasengeg na isumlang mi lamet ed saray ganggan mo tan mangasawa o miasawa ed sarayan maoges a totoo? No gawaen mi ni ya, ompetapetang lay olom ed sikami tan sigput mo kami lan pateyen tan ag mo la abuloyan a walay natilak ed sikami.