Esdras 1:4 - Maung A Balita Biblia

⁴ No walad saray totoo ton nibantak ed arum a bansa so mankaukolan na tulong ed ipawil da, saray kakaabay da so nepeg ya ontulong ed sikara. Nepeg da ran itdan na pilak tan balituk, saray abasto, tan saray ayayep. Nepeg da ran itdan met na saray bagat ya isaklang ed Timplo na Dios diad Jerusalem.”

Maung a Balita Biblia

⁴ No walad saray totoo ton nibantak ed arum a bansa so mankaukolan na tulong ed ipawil da, saray kakaabay da so nepeg ya ontulong ed sikara. Nepeg da ran itdan na pilak tan balituk, saray abasto, tan saray ayayep. Nepeg da ran itdan met na saray bagat ya isaklang ed Timplo na Dios diad Jerusalem.

Esdras 1:4 Referans Kwoze

1 Saray Awaran 29:3

Aliwan saraya labat so imparaan ko; angiter ak ni na saray dilin pilak tan balituk ko lapud panamablik ed Timplo na Dios ko.

TAGA GALACIA 6:2

Mantutulongan kayod saray sasakbaten yo, tan diad ontan naonur yoy ganggan nen Cristo.

Saray Gawgawa 24:17

“Pigay taon ya anggapo ak ed Jerusalem, insan ak pinmawil a mangiter na tulong ed saray kabaleyan ko, tan mangibagat ed Dios.

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

Exodo 35:29

Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

Esdras 1:3

Niwala komuy Dios ed sikayon amin a totoo to. Nepeg yoy onla ed Jerusalem na Juda, ta ipaalagey yo lamet so Timplo na Katawan, say Dios na Israel, say Dios a gagalangen ed Jerusalem.

Esdras 1:5

Lapud saya namparaan ya onlan mamaalagey lamet ed Timplo na Katawan ed Jerusalem iray pangulo na saray boleg ed tribu di Juda tan Benjamin, saray papari tan saray Levita, tan amin da ray tinenyeg na Dios so puso ra.

2 Saray Awaran 31:14

Si Core a lakin anak nen Imna tan sakey a Levita a pangulo da ray guardia ed Puirtay Bokig na Timplo, so makaoley a manawat tan mangibunog na saray rigalon nisaklang ed Katawan.

Esdras 9:15

Katawan a Dios na Israel, matonung ka, balet inyabuloy mon mambilay kami ni. Ipatwa mi ray kasalanan mid sika; anggapoy kanepegan min miarapan ed sika.”

Isaias 10:21

Wala ray daiset a totood Israel ya ompawil ed makapanyarin Dios da.