Ecclesiastes 9:12 - Maung A Balita Biblia

¹² Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.

Maung a Balita Biblia

¹² Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.

Ecclesiastes 9:12 Referans Kwoze

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Probirbio 29:6

Naeerel na saray dilin kasalanan da iray totoon maoges, balet maliket tan bolus iray totoon matonung.

2 Timoteo 2:26

Diad satan, ompawil irad dugan liknaan da tan nibatikan day patit nen Diablo ya angerel tan amasoot ed sikaran mangonur na linawa to.

2 CORINTO 6:2

Ta ibabaga to, “Dinengel ta ka ed manepeg a panaon, tinulongan ta ka ed agew na panangilaban.” Dengel kayo! Natan so manepeg ya oras a pangawat na panangasiy Dios! Natan so agew na kilalaban!

Probirbio 6:15

Lapud saya, anggapoy pasakbay tan bigla-biglan onsabid sikaray deral, tan ipatey day kasugat da.

2 Pedro 2:12

Balet sarayan totoo et singa ra atap ya ayayep ya anggapoy kalakal, tan nianak iran eerelen tan papateyen. Dederalen da ray ag da natalusan. Kanyan naderal iran singa atap ya ayayep.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

Lucas 12:39

Tandaan yo ya! No amta labat na akanabung no anton oras so isabi na matakew, ag to palooben ed abung to.

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

Isaias 30:13

Nankasalanan kayo. Singa kayo sakey ya atagey a padir a linmetak manlapud tagey ya anggad leksab; ag mabayag bigla kayon nageba.

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Ecclesiastes 3:19

Ta say nagawa ed saray totoo et nagawa met ed saray ayayep; ompatey iran amin. Nampara ra a pinalsa. Anggapoy panmaungan na too ed ayep lapud andi-kakanaan so bilay para ed sikaran dua.

Ecclesiastes 9:13

Anengneng ko met ed sayan mundo so sakey a maung ya oliran a nipaakar ed kakabatan, tan ipapasen kon sakey a marakep.

Isaias 24:18

Siopamay nibatikan toy pakataktakotan napelag ed abut, tan siopamay napaliisan toy abut naerel ed patit. Onoran na mapmaples tan nagalaw iray pundasion na dalin.

Oseas 9:8

Say Dios imbaki to ak a sakey a propitan mamasakbay ed saray totoo ton Israel. Balet anggan iner a laen ko, papatitan yo ak a singa sakey a manok. Diad dilin dalin na Dios saray totoo so kalaban na propita.

Probirbio 24:22

Saratan a totoo et nayarin biglan naderal ira. Amtam so deral ya ipasabid sikara na Dios odino say ari?

Ecclesiastes 8:8

Anggapoy toon makapaliis ed patey, odino makabaat ed isabi na agew na ipatey to. Sikato yay sakey a bakal ya ag tayo napaliisan; ag tayo nayarian ya ibatikan.

Ezekiel 32:3

No mantitipon iray amayamay a bansa, erelen ta kad iket ko insan ta ka pagoyur ed sikara ed sakbit.

Oseas 7:12

Balet ipanat koy iket ko tan erelen ko ran singa saray manok legan dan oonla. Dusaen ko ra lapud kaogsan a ginagawa ra.