Ecclesiastes 7:14 - Maung A Balita Biblia

¹⁴ Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Maung a Balita Biblia

¹⁴ Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Ecclesiastes 7:14 Referans Kwoze

Ecclesiastes 3:22

Abirbir ko sirin a say sankaabigan a nagawaan tayo et say panliket ed saray nansagputan tayo. Anggapo lay arum a nagawaan tayo. Anggapoy polaing a pakaamtaan tayo no antoy nagawad sikatayo kayari na ipatey tayo.

Ecclesiastes 3:4

Igegetar toy panaon na panermen tan say panaon na panliket, say panaon na pandageyem tan say panaon na pansayaw,

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Deuteronomio 28:47

Say Katawan binindisionan to kayo na daakan a bengatla, balet ag kayo nanlingkur a maliket tan magayaga ed sikato.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Santiago 5:13

Walay gunigon na siopaman ed sikayo? Nepeg toy mampikasi. Maliket so siopaman ed sikayo? Nepeg toy mankanta na pangigalang ed Dios.

Mateo 9:13

Laki la tan aral yoy kabaliksan na sayan ibabagay Masanton sulat: ‘Say panangasi so labay ko, aliwan say pangibagat na ayayep.’ Ag ak dia linman manawag ed saray matonung, no ag ingen linma ak dian manawag ed saray makasalanan.”

Mikias 6:9

Kakabatan so itakot ed Katawan Say Katawan ontatawag ed siudad, “Dengel kayo, sikayo ran totoo a mantitipon ed siudad!

Jeremias 23:20

tan ag ontonda ya anggad nasumpal toy labay ton gawaen. Diad saray agew ya onsabi natalutalusan ya na saray totoo to.”

Saray Salmo 119:71

Pankaabigan ko so impakadusak, ta naaral ko lalaingen iray ganggan mo.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Saray Salmo 40:3

Imbangat to ak a mankantay balon kanta, sakey a kantan pangidayew ed Dios tayo. Ontakot iray amayamay a makanengneng ed saya tan manmatalek irad Katawan.

Isaias 42:25

Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

Ecclesiastes 12:8

Andi-kakanaan, andi-kakanaan, kuay Managpulong. Amin et andi-kakanaan.

1 Saray Arari 8:47

dengel mo pa ray pikakasi na saray totoom. No diad saman a dalin et magbabawi ra tan mampikasi rad sika, ipatwa ray inkakasalanan tan inkaoges da, dengel mo pay pikakasi ra, O Katawan.

Deuteronomio 8:5

Nunot yo a say Katawan a Dios yo et dusaen to kayo a singa pandusa na ama ed saray anak to.

Deuteronomio 26:11

Misalamat kayo lapud saray maabig a bengatla ya inter na Katawan a Dios yo ed sikayo tan say pamilya yo; insan pinabang yod liket yo iray Levita tan saray sangkaili a manaayam ed kawalaan yo.

Say Libro nen Job 2:10

Inmebat si Job, “Andi-kakanaay ibabagam! No mangiter na kamaungan so Dios, awaten tayo. Akin et ag tayo awaten no kairapan so iter to?” Anggan ontan lay paniirap to si Job ag nansalita na maoges sumpad Dios.

Ecclesiastes 8:7

Anggapod sikatayoy makapikabat no antoy nagawa ed arapen, tan no siopay mangibagad sikatayo.

Ecclesiastes 9:7

Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Ecclesiastes 10:14

Ag ontonda a manlabir lan manlabir. Anggapoy toon makaamta no antoy nagawad arapen, kanyan anggapoy makapangibaga ed too no antoy nagawa kayariy ipatey to.

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Ecclesiastes 5:17

Nagunggona tayoy mambilay a walay bilonget tan ermen, magunigon, mapasnuk, tan walay sakit.

Saray Tagleey 3:38

Diad panangiganggan na Sankatageyan a Dios, nagawa so maung tan say makapoy.